اتىراۋ. 13 قاڭتار. اتىراۋدا باتىسقازاقستاندىق زەرگەر تولەپبەرگەن سارمانبەكوۆكە «التىن قايىق» جۇلدەسى مەن 280 مىڭ تەڭگە كولەمىندەگى قارجىلاي سىياقى بەرىلدى. بۇل تۋرالى egemen.kz ءتىلشىسى حابارلادى.
بۇل جۇلدە اتىراۋداعى «جەرۇيىق» مادەنيەت ورتالىعى» قوعامدىق قورىنىڭ ۇيىمداستىرۋىمەن 2011 جىلدان بەرىلىپ كەلەدى. قور ديرەكتورى نۇربەرگەن داۋلەتوۆتىڭ ايتۋىنشا, باستى ماقسات – بەينەلەۋ ونەرى شەبەرلەرىن ىنتالاندىرىپ, تۋىندىلارىنىڭ الىس-جاقىن شەتەلدەرگە تانىستىراتىنداي ساپالىق دەڭگەيىن كوتەرۋ. «التىن قايىق» جۇلدەسىن يەلەنۋگە اقتوبە, باتىس قازاقستان, ماڭعىستاۋ جانە اتىراۋ وبلىستارىنىڭ بەينەلەۋ ونەرىنىڭ شەبەرلەرى قاتىسا الادى.
بيىلعى «التىن قايىق» نوميناتسياسىن يەلەنۋ ءۇشىن ءتورت وبلىستان وننان استام ۇمىتكەر قاتىستى. ولاردىڭ ءبىر جىلدىق جۇمىسىن سارالاعان كوميسسيا شەشىمىمەن اتىراۋلىق ادىلقايىر جانتاسوۆقا «ۇزدىك كەسكىندەمەشى», باتىسقازاقستاندىق اسحات ابدەشوۆكە «ۇزدىك گرافيكا», باتىسقازاقستاندىق تولەپبەرگەن سارمانبەكوۆكە «ۇزدىك زەرگەرلىك بۇيىم», باتىسقازاقستاندىق ەرعالي بەكەشوۆكە «ۇزدىك ءمۇسىن», اتىراۋلىق نۇرسۇلتان قاليەۆقا «ۇزدىك قولونەر» اتالىمى بەرىلدى. سونىمەن بىرگە, «جىل جاڭالىعى» جۇلدەسىنە اتىراۋلىق ادىلقايىر جانتاسوۆ يە بولدى. بۇلاردىڭ بارىنە ارنايى ديپلوم مەن 120 000 تەڭگەنىڭ سەرتيفيكاتتارى تابىستالدى.
باس جۇلدە – 976 گرامدىق سالماقتى قۇرايتىن, 24 كارات تازا التىن جالاتىلعان «التىن قايىق» ستاتۋەتكا مەن 280 000 تەڭگەلىك قارجىلاي سىياقىعا باتىسقازاقستاندىق زەرگەر تولەپبەرگەن سارمانبەكوۆ لايىق دەپ تابىلدى. ول بۇل كونكۋرسقا التىن جالاتىلعان ساۋكەلەنى ۇسىنعان ەكەن. «مەن بۇعان دەيىن وسى كونكۋرسقا ەكى رەت قاتىسقان ەدىم. ەندى مىنە, ءۇشىنشى جىلى «التىن قايىق» جۇلدەسىن الدىم. ەڭبەگىم جاندى» دەپ ءوز قۋانىشىمەن ءبولىستى زەرگەر ت.سارمانبەكوۆ.
جولداسبەك شوپەعۇل.
دەرەك, سۋرەت: egemen.kz.