استانا. 13 قاڭتار. اقمولا وبلىسىنىڭ باسشىسى سەرگەي كۋلاگيننىڭ وكىمىمەن جانە اۋداندىق ءماسليحات دەپۋتاتتارىنىڭ كەلىسىمىمەن اسقار مۇرات ۇلى زەرەندى اۋدانىنىڭ اكىمى بولىپ تاعايىندالدى. بۇل تۋرالى «قازاقپارات» حابارلادى.
ا.مۇرات ۇلى 1976 جىلى تۋعان. ءبىلىمى جوعارى. 1998 جىلى د.سەرىكباەۆ اتىنداعى شىعىس-قازاقستان تەحنيكالىق ۋنيۆەرسيتەتىن ينجەنەر-ەكونوميست ماماندىعى, 2003 جىلى ل.گونچاروۆ اتىنداعى قازاق اۆتوموبيل-جول ۋنيۆەرسيتەتىن ينجەنەر ماماندىعى بويىنشا بىتىرگەن. ەڭبەك جولىن 1998 جىلعى شىلدەدە شىعىس قازاقستان وبلىسى ساۋدا جانە قىزمەت كورسەتۋ دەپارتامەنتىنىڭ ينسپەكتورى بولىپ باستادى. كولىك جانە كوممۋنيكاتسيا مينيسترلىگىندە ءتۇرلى لاۋازىمداردا «قازاقاۆتوجول» رەسپۋبليكالىق مەملەكەتتىك كاسىپورىنى قوستاناي, قاراعاندى, پاۆلودار وبلىستىق فيليالدارىنىڭ ديرەكتورى, استانا قالاسى جولاۋشىلار كولىگى جانە اۆتوموبيل جولدارى باسقارماسى باستىعىنىڭ ورىنباسارى, جامبىل وبلىسى بويىنشا قارجىلىق باقىلاۋ ينسپەكتسياسى باستىعىنىڭ ورىنباسارى قىزمەتتەرىن اتقارعان. ال وسى تاعايىنداۋعا دەيىن, ياعني, 2012 جىلدىڭ قازاننان باستاپ اقمولا وبلىسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بولدى.
جولدىباي بازار.
دەرەك, سۋرەت: «قازاقپارات».