كەيىنگى جىلدارى ماڭعىستاۋ كليماتى, توپىراعى جەمىس-جيدەكتەر مەن اعاش تۇرلەرىن وسىرۋگە قولايلىلىعىن مويىنداتىپ كەلەدى. بۇل جاڭالىق ازىق-ت ۇلىكتىڭ, اسىرەسە كوكونىس, جەمىس-جيدەك تۇرلەرىنىڭ باسىم بولىگى وزگە ايماق, شەتەلدەردەن تاسىمالداناتىن دالانىڭ ءتىلى مەن بابىن تاپسا, باسقاعا تاۋەلدىلىكتەن قۇتقارار ما ەدى دەگەن ويعا جەتەلەيدى.
قازىرگى تاڭدا ماڭعىستاۋدا ءزايتۇن اعاشىن ءوسىرۋ بويىنشا قاناتقاقتى جوبا جۇزەگە اسىپ جاتىر. بۇل – ءوڭىر اگروونەركاسىپ كەشەنىندەگى ءىرى ينۆەستيتسيالىق جوبالاردىڭ ءبىرى. ماڭعىستاۋداعى ءزايتۇن پلانتاتسياسى قۇرىق اۋىلىندا ورنالاسقان, ەگىلگەن 2 مىڭ ءزايتۇن اعاشى تامىر جايدى. ماماندار ولاردىڭ تامىر جايۋىن اۋا رايىنىڭ قيىن جاعدايىنا بەيىمدەلۋى دەپ تۇسىندىرەدى. ءزايتۇن اعاشىن وتىرعىزۋ تەك اتالعان اۋدان اۋماعىندا ەمەس, وزگە اۋدانداردا دا جۇزەگە اسىرىلادى. وسى ماقساتتا قولايلى جەر تەلىمىن ءبولۋ ماسەلەسى تالقىلانىپ جاتىر. بىرنەشە اپتا ىشىندە وبلىستىڭ وزگە اۋداندارىنا مىڭداعان كوشەت جىبەرۋ جوسپارلانعان.
ايماق باسشىسى نۇرلان نوعاەۆپەن كەزدەسۋدە حالىقارالىق ءزايتۇن كەڭەسىنىڭ پرەزيدەنتى گەورگي سۆانيدزە مەن گرۋزيانىڭ ەكونوميكا جانە تۇراقتى دامۋ ۆيتسە-پرەمەر-ءمينيسترىنىڭ كەڭەسشىسى جاقىپ ماراباەۆ ينۆەستيتسيالىق جوبا مەن پلانتاتسيا تۋرالى ايتتى.
حالىقارالىق ءزايتۇن كەڭەسىنىڭ پرەزيدەنتى گەورگي سۆانيدزە كەزدەسۋگە قاتىسۋشىلاردى گرۋزياداعى ءزايتۇن ءوندىرۋ جانە وڭدەۋ ونەركاسىبىمەن تانىستىرىپ, سونداي-اق قازاقستانداعى بۇل سالانىڭ كەزەڭ-كەزەڭىمەن دامۋ ۇدەرىسى تۋرالى اتاپ ءوتتى. وڭدەۋ زاۋىتىن ىسكە قوسۋ, وتاندىق ءزايتۇندى شەتەلگە ەكسپورتتاۋ ءۇشىن قاجەتتى حالىقارالىق سەرتيفيكات الۋ جوسپاردا بار.
– جەرگىلىكتى اتقارۋشى ورگانداردىڭ بەلسەندى قولداۋى ارقىلى قازاقستاندا ءزايتۇن مادەنيەتىن دامىتۋدىڭ وراسان زور الەۋەتىن كورىپ وتىرمىز. بۇل جاڭا جۇمىس ورىندارىن اشىپ قانا قويماي, ەكسپورتتىق بولاشاعى بار كاسىپكەرلىكتى دامىتۋدىڭ قوزعالتقىشىنا اينالادى. ءزايتۇن مايى جاي ءونىم ەمەس, بۇل – دەنساۋلىق پەن ۇزاق ءومىر ءسۇرۋدىڭ قاينار كوزى. وسى ايماقتىڭ ەرەكشە جاعدايلارىنىڭ ارقاسىندا قازاقستاندىق ءزايتۇن مايى الەمدەگى ەڭ ۇزدىكتەردىڭ بىرىنە اينالاتىنىنا سەنىمدىمىز, – دەدى حالىقارالىق ءزايتۇن كەڭەسىنىڭ پرەزيدەنتى گەورگي سۆانيدزە.
ول گرۋزيانىڭ قازاقستاندا ءزايتۇن وسىرۋدەگى ءبىلىمى, تاجىريبەسى جانە يننوۆاتسيالارى تۋرالى ايتۋعا دايىن ەكەنىن, قازاقستانعا ءزايتۇن مايىنان تۇسەتىن الەمدىك كىرىستىڭ 90%-ىن, ونىڭ ساۋداسىنىڭ 74%-ىن باقىلايتىن ۇيىم حالىقارالىق ءزايتۇن كەڭەسىنە مۇشەلىككە وتۋگە كومەكتەسەتىنىن جەتكىزدى.
ماڭعىستاۋ وبلىسىنىڭ اكىمى نۇرلان نوعاەۆ مەملەكەت باسشىسىنىڭ قازاقستاننىڭ اگرارلىق سالاسىنا, زاماناۋي اگرارلىق عىلىمدى دامىتۋعا جانە اگروونەركاسىپ كەشەنىنە يننوۆاتسيالاردى بەلسەندى ەنگىزۋگە ۇلكەن كوڭىل ءبولىپ وتىرعانىن اتاپ ءوتتى جانە ءۇش جىل ىشىندە اگروونەركاسىپ كەشەنىندەگى قايتا وڭدەۋ ونىمدەرىنىڭ ۇلەسىن 70%-عا جەتكىزۋ مىندەتى قويىلدى.
تاراپتار ماڭعىستاۋ وڭىرىندە جوسپارلانعان جوبالاردى جۇزەگە اسىرۋ بويىنشا جۇمىستى جالعاستىرۋعا كەلىسىپ تارادى.
ماڭعىستاۋ وبلىسى