«قازاقستان حالقىنا» قورى ەسەبىنەن تاسقىن سۋدان زارداپ شەككەن جانگەلدين اۋدانىنىڭ كولقامىس اۋىلىندا 19, تاۋىشتە 22 تۇرعىن ءۇي بوي كوتەرمەك. قۇرىلىسشىلار ىسكە كىرىسىپ كەتتى. ءتاۋىش اۋلىنداعى 22 ءۇيدىڭ جارتىسىن «بك ستروي» جشس, قالعانىن «رۋدنىيسوكولوۆستروي», «يرينا ي ك» قۇرىلىس كومپانيالارى سالادى.
قوستاناي قالاسىنداعى «بك ستروي» سەرىكتەستىگىنىڭ جۇمىسشىلارى تاۋىشتەگى تۇرعىن ءۇي قۇرىلىسىن باستاپ جاتىر. «اليۋمينستروي» جشس كولقامىس اۋىلىنا 10 ءۇي سالىپ بەرەدى. ال 9 ءۇيدى «ەليتسترويدوم» قۇرىلىس كومپانياسى تۇرعىزادى. قۇرىلىسشىلاردىڭ ايتۋىنشا, قۇرىلىسقا قاجەت ماتەريال, تەحنيكا مەن جۇمىس كۇشى دە جەتكىلىكتى.
ء«بىز ءتاۋىش اۋىلىنا كەشە عانا كەلدىك. 10 جىلدان بەرى «بك ستروي» قۇرىلىس كومپانياسىنىڭ شەبەرىمىن. اللا اماندىعىن بەرسە, بۇگىن العاشقى ءۇيدىڭ قازىعى قاعىلادى. كەرەك-جاراعىمىزدى, قۇرىلىس ماتەريالدارىن اكەپ ءتۇسىرىپ قويدىق», دەيدى ناۋرىز ەسىمدى قۇرىلىس شەبەرى.
جانگەلدين اۋدانىنا دەنيسوۆ, قارابالىق اۋدانى دا كومەكتەسىپ جاتىر. «دەنيسوۆ اۋدانى اكىمىنىڭ ءوزى وسىندا كەلدى. جۇمىسشىلارعا كەرەك-جاراق اكەلىپ, تاماقتاندىرىپ جاتىر», دەيدى جانگەلدين اۋداندىق ىشكى ساياسات ءبولىمىنىڭ باسشىسى جادىرا قوشەمەتوۆا.
قۇرىلىسشىلار ىرگەتاسى جاڭا قالانىپ جاتقان تۇرعىن ۇيلەردى مامىر ايىنىڭ سوڭىنا دەيىن سالىپ ءبىتىرۋدى جوسپارلاپ وتىر.
قوستاناي وبلىسى