قازاقستان رەسپۋبليكاسىنىڭ “بوسقىندار تۋرالى” زاڭى اعىمداعى جىلدىڭ 1 قاڭتارىندا كۇشىنە ەندى. زاڭنىڭ جۇزەگە اسىرىلۋى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتىنە جۇكتەلگەن جانە قازاقستان رەسپۋبليكاسىنداعى بوسقىندار قۇقىعى بويىنشا بۇۇ جوعارعى كوميسسارى باسقارماسىنىڭ ء(ارى قاراي بۇۇ بجكب) اۋماقتىق وكىلدىگىمەن بىرلەسىپ اتقارىلۋدا.
كوشى-قون كوميتەتى مەن بۇۇ بجكب قازاقستاندا ءجۇرگەن بارلىق بوسقىنداردى قايتا تىركەپ, ولارعا قازاقستان بيلىگىندەگى مانداتتى بەرۋ جونىندەگى ماسەلەلەردى قاراۋ تۇرعىسىندا جۇمىس جۇرگىزۋدە. كوشى-قون باسشىلىعى جانە بۇۇ بجكب قازاقستاندا بوسقىن رەتىندە قورعاۋ ىزدەپ جۇرگەن بارلىق ادامداردى كوشى-قون كوميتەتىنىڭ اۋماقتىق دەپارتامەنتتەرىندە كەشەۋىلدەمەي تىركەلۋگە ۇندەيدى. قۇقىق قورعاۋ ورگاندارى كوشى-قون كوميتەتىمەن جانە بۇۇ بجكب وكىلدىگىمەن ءوزارا تىعىز ارەكەتتە, بوسقىن مارتەبەسىنە ۇمىتكەر تۇلعالاردىڭ كوشى-قون, ەڭبەك زاڭنامالارىن جانە قازاقستان رەسپۋبليكاسى “بوسقىندار تۋرالى” زاڭىن بۇزۋعا جول بەرمەۋ ماقساتىندا شۇعىل ەسكەرتۋ شارالارىن جۇرگىزىپ وتىر.
بۇل تۇرعىدا تاعى ءبىر ايتا كەتەر ءجايت, “ميگرانت” جوسپارلى وپەراتسياسىنىڭ شەڭبەرىندە 2010 جىلدىڭ 10 ماۋسىمىندا پروكۋراتۋرا ورگاندارىنىڭ جانە سوت سانكتسياسىمەن تاجىكستان, قىرعىزستان جانە وزبەكستان ازاماتتارى قاماۋعا الىنعان. ولار بۇعان دەيىن اۋىر قىلمىس جاساعاندارى ءۇشىن ىزدەۋدە جۇرگەندەر ەكەن.
ولاردىڭ اراسىندا وزبەكستان قۇقىق قورعاۋ ورگاندارىنىڭ قىزمەتكەرلەرىنە, ءدىني قىزمەتكەرلەرگە شابۋىل جاساپ, كىسى ءولتىرىپ, قارۋ قولدانعان دەپ ايىپتالعان تۇلعالار بار.
بارلىق قاماۋعا الىنعان شەتەل ازاماتتارى بۇۇ بجكب-عا وزدەرىن بوسقىندار دەپ تانۋ جونىندەگى ارىزدارىن الدىن-الا بەرگەندىكتەن, “بوسقىندار تۋرالى” قر زاڭىنا سايكەس, الماتى قالاسى بويىنشا كوشى-قون دەپارتامەنتىندە قايتا تىركەۋ رەسىمىنەن ءوتتى.
حالىقارالىق نورمالارعا سايكەس قازىرگى ۋاقىتتا زاڭدى تەكسەرىس جۇرگىزىلىپ جاتىر. بۇل ۋاقىت ارالىعىندا قاماۋعا الىنعان تۇلعالارعا قازاقستان رەسپۋبليكاسى “بوسقىندار تۋرالى” زاڭىنا سايكەس ماجبۇرلەنگەن دەپورتاتسيادان قورعاۋعا كەپىلدىك بەرىلەدى.
ح.ا.ابىشەۆ, كوشى-قون كوميتەتىنىڭ توراعاسى,
سابەر ازام, بۇۇ بجكب قر وكىلدىگىنىڭ باسشىسى.