سوڭعى ەكى ايدا ەلىمىزگە قانشا ادام كوشىپ كەلدى؟

ۇلتتىق ستاتيستيكا بيۋروسىنىڭ 9 اقپاندا جاريالاعان مالىمەتىنە سايكەس, ەسەپتى كەزەڭدە ەلگە 23,8 مىڭ ادام كەلگەن, ال 7,6 مىڭ ادام قازاقستاننان كەتكەن.

2024 جىلمەن سالىستىرعاندا كوشى-قون بەلسەندىلىگى تومەندەگەن. ماسەلەن, كەلگەندەردىڭ سانى 20,7%-عا, ەلدەن كەتكەندەردىڭ سانى 40,5%-عا ازايعان. 

كوشى-قون الماسىمىنىڭ نەگىزگى بولىگى بۇرىنعىداي تمد ەلدەرىنە تيەسىلى. 2025 جىلى قازاقستانعا كەلگەندەردىڭ 81,8%-ى جانە ەلدەن كەتكەندەردىڭ 71,8%-ى تمد مەملەكەتتەرىنە تيەسىلى بولدى. كەلگەندەر اراسىندا ەتنيكالىق قازاقتار مەن ورىستار باسىم بولسا, ەلدەن كەتكەندەردىڭ نەگىزگى بولىگىن ورىستار مەن قازاقتار قۇرادى.

ال ىشكى كوشى-قون, كەرىسىنشە, ءوسىم كورسەتتى. وڭىرارالىق قونىس اۋدارۋ كولەمى وتكەن جىلمەن سالىستىرعاندا 13,6%-عا ارتتى. ىشكى كوشى-قوننىڭ وڭ سالدوسى ءتورت وڭىردە – استانا, الماتى, شىمكەنت قالالارىندا جانە الماتى وبلىسىندا تىركەلدى. ەڭ جوعارى حالىق ءوسىمى ەلوردادا بايقالىپ, كوشى-قون ەسەبىنەن حالىق سانى 87 مىڭ ادامعا ارتتى.

ەلىمىزدىڭ بىرنەشە وڭىرىندە حالىق سانى ازايعان

وڭىرارالىق كوشى-قوننىڭ تەرىس سالدوسى سولتۇستىك قازاقستان, شىعىس قازاقستان جانە قاراعاندى وبلىستارىن قوسا العاندا, ەلدىڭ كوپتەگەن ايماقتارىندا ساقتالدى.

ايتا كەتەيىك, بۇعان دەيىن قازاقستان حالقىنىڭ سانى 20,4 ميلليوننان اسقانىن جازعان ەدىك.