الماتى قالاسىندا وتكەن VIII حالىقارالىق اشىق شىعارماشىلىق IMPACT Olympiad وليمپياداسىندا قاراعاندى وبلىسىنىڭ پەداگوگتارى جۇلدەلى ورىندارعا يە بولدى. بەدەلدى زياتكەرلىك سايىستا ءوڭىر اتىنان قاتىسقان بەس مۇعالىم جوعارى ناتيجە كورسەتتى, دەپ جازادى Egemen.kz.
ءتورت ساعات بويى قاتىسۋشىلار پاندىك تەوريا مەن وقىتۋ ادىستەمەسىنە قاتىستى كۇردەلى تاپسىرمالاردى ورىنداپ, كاسىبي دايارلىق دەڭگەيىن دالەلدەدى.
اسقار جۇمادىلداەۆ, اكادەميك, قازاقستاننىڭ ەڭبەك ەرى: ءىرى ىستەر كىشكەنتاي قادامنان باستالادى
وليمپيادا قورىتىندىسى بويىنشا كۇمىس مەدالدى شەت اۋدانى يۋ. گاگارين اتىنداعى مەكتەپ-ليتسەيىنىڭ فيزيكا ءپانى مۇعالىمى امانجول جەكەباي, قاراعاندى قالاسىنداعى №3 گيمنازيانىڭ ينفورماتيكا ءپانى مۇعالىمى گۇلزيرا ءادىلحان جانە قاراعاندى ايەلدەر گيمنازياسىنىڭ ماتەماتيكا ءپانى مۇعالىمى ۆاديم مەلەشكو جەڭىپ الدى.
تەحنوكرات ۇرپاقتى ماتەماتيكا ءپانى قالىپتاستىرادى
قولا جۇلدەگە تەمىرتاۋ قالاسىنداعى №1 گيمنازيانىڭ فيزيكا ءپانى مۇعالىمى الەكسەي پرۋتكو مەن نۇرا اۋدانى م. جۇماباەۆ اتىنداعى مەكتەپ-گيمنازيانىڭ ينفورماتيكا ءپانى مۇعالىمى جاسۇلان ازامات ۇلى يە بولدى.
جەڭىمپازداردى قاراعاندى وبلىسى اكىمىنىڭ ورىنباسارى الىبەك الدەنەي قۇتتىقتاپ, ولاردىڭ وڭىردەگى ءبىلىم بەرۋ جۇيەسىن دامىتۋعا قوسقان ۇلەسى مەن ايماقتىڭ حالىقارالىق دەڭگەيدەگى بەدەلىن ارتتىرۋداعى ماڭىزىن اتاپ ءوتتى. وليمپيادا جۇلدەگەرلەرىنىڭ بارلىعى وبلىس اكىمىنىڭ العىس حاتتارىمەن جانە اقشالاي سەرتيفيكاتتارمەن ماراپاتتالدى.
«جوعارى ماتەماتيكا» وقۋلىعى
كەزدەسۋ بارىسىندا پەداگوگتار وزدەرىنىڭ اۆتورلىق باعدارلامالارىن, عىلىمي ازىرلەمەلەرىن تانىستىرىپ, وقۋشىلارمەن جۇمىس ىستەۋدەگى تاجىريبەلەرىمەن ءبولىستى.
IMPACT Olympiad جوباسىنىڭ اۆتورى — بەلگىلى قازاقستاندىق ماتەماتيك ءارى عالىم-فيزيك اسقار جۇمادىلداەۆ. VIII حالىقارالىق وليمپياداعا قىرعىزستان, وزبەكستان, رەسەي, رۋمىنيا, يندونەزيا, موڭعوليا, ازەربايجان, گرۋزيا جانە تاجىكستاندى قوسا العاندا, 16 ەلدىڭ وكىلدەرى قاتىستى. زياتكەرلىك دوداعا بارلىعى 400-گە جۋىق مۇعالىم مەن جاتتىقتىرۋشى جينالدى.
قاراعاندى وبلىسى,قاسىمحان عالىم