قازاقستاندا ايەلدەرگە زورلىق-زومبىلىق كورسەتۋگك قارسى رەسپۋبليكالىق اقپاراتتىق ناۋقان باستالدى. ءىس-شارا نەكەگە ماجبۇرلەۋ, ستالكينگ جانە ايەلدەرگە قاتىستى وزگە دە زورلىق-زومبىلىققا توزبەۋ قاعيداتىن قالىپتاستىرۋعا جانە ازاماتتاردىڭ قۇقىقتىق ساۋاتتىلىعىن ارتتىرۋعا باعىتتالدى, دەپ حابارلايدى Egemen.kz.
ناۋقاننىڭ ماقساتى – ءاربىر ايەل مەن قىز بالا ءۇشىن قاۋىپسىز ورتا قالىپتاستىرۋ, زورلىق-زومبىلىققا جول جوق ەكەنىن جانە بۇنداي ارەكەت مىندەتتى تۇردە جاۋاپكەرشىلىككە اكەلەتىنىن كوپشىلىككە ناسيحاتتاۋ.
مادەنيەت جانە اقپارات مينيسترلگىنىڭ مالىمەتىنشە, اتالمىش ناۋقان اياسىندا مەكتەپتەردە, كوللەدجدەردە, جوعارى وقۋ ورىندارىندا جانە ەڭبەك ۇجىمدارىندا كەزدەسۋلەر وتەدى. سونىمەن قاتار زاڭگەر, پوليتسيا قىزمەتكەرلەرى مەن پسيحولوگتاردىڭ قاتىسۋىمەن دارىستەر, جاستارعا ارنالعان جەكە شەكارا جانە قاۋىپسىز ورتا تۋرالى ترەنينگتەر, اتا-انالارمەن بالالاردى قىسىم مەن مانيپۋلياتسيادان قالاي قورعاۋ قاجەتتىگى تۋرالى كەزدەسۋلەر ۇيىمداستىرىلادى.
استانادا 82 جاستاعى قاريا شوبەرەسىنە زورلىق-زومبىلىق كورسەتكەنى ءۇشىن 20 جىلعا سوتتالدى
تەلەديدار مەن ينتەرنەت كەڭىستىگىندە الەۋمەتتىك روليكتەر, پودكاستار جانە ماسەلەنى تەرەڭ بىلەتىن ساراپشىلاردىڭ قاتىسۋىمەن سۇحباتتار جاريالانادى. ناۋقانعا بلوگەرلەر مەن قوعامدىق پىكىر كوشباسشىلارى دا قاتىسادى.
زورلىق-زومبىلىققا ۇشىراعان بالالارعا كومەك كورسەتۋ كابينەتتەرى اشىلادى
ناۋقان اياسىندا «QURMET» چەللەندجى جاريالانادى. قاتىسۋشىلار الەۋمەتتىك جەلىلەردە فوتو, بەينە جانە قىسقا ماتىندەر جاريالاپ, قۇرمەت پەن جەكە شەكارا ۇعىمى تۋرالى ءوز پىكىرىن بولىسە الادى.
ايتا كەتەيىك, ناۋقان ناۋرىز ايىنىڭ 10-ىنا دەيىن جالعاسادى.
استانادا زورلىق-زومبىلىق كورگەن ايەلدەر مەن بالالارعا قولداۋ كورسەتىلدى