الماتى قالاسىنىڭ اۋەزوۆ اۋدانىنداعى كوميۋنيتي-ورتالىقتا قازاقستان رەسپۋبليكاسىنىڭ جاڭا كونستيتۋتسيا جوباسىن تالقىلاۋعا ارنالعان قالا جاستارىنىڭ قاتىسۋىمەن ينتەللەكتۋالدى Meet-up ءوتتى. كەزدەسۋ ءماجىلىس دەپۋتاتتارىن, كونستيتۋتسيالىق رەفورما جونىندەگى كوميسسيا مۇشەلەرىن, ساراپشىلاردى جانە جاس بەلسەندىلەردى بىرىكتىرىپ, جاساندى ينتەللەكت قۇرالدارىن پايدالانۋ ارقىلى ينتەراكتيۆتى فورماتتا ۇيىمداستىرىلدى, دەپ جازادى Egemen.kz.
ءىس-شارا اشىق ديالوگ الاڭىنا اينالىپ, وندا جاستار تەك سۇراق قويىپ, ءوز پىكىرلەرىن ءبىلدىرىپ قانا قويماي, ولاردى جاساندى ينتەللەكتىنىڭ اناليتيكالىق قورىتىندىلارىمەن سالىستىردى. باعدارلامانىڭ ەرەكشە بولىگى رەتىندە الماتىلىق جاستار اراسىندا كونستيتۋتسيالىق باتل وتكىزىلدى.
تالقىلاۋعا كونستيتۋتسيالىق رەفورما جونىندەگى كوميسسيا مۇشەلەرى, قر پارلامەنتى ءماجىلىسىنىڭ دەپۋتاتتارى ايدوس سارىم, جاناربەك ءاشىمجان, ءۇنزيلا شاپاق, جاستار ۇيىمدارىنىڭ وكىلدەرى, ساراپشىلار قاۋىمداستىعى, كوميۋنيتي-ورتالىقتاردىڭ, قوعامدىق بىرلەستىكتەر مەن مەديانىڭ باسشىلارى قاتىستى. قالانىڭ بەلسەندى جاستارى جاڭا كونستيتۋتسيا جوباسىن قولداپ, ەنگىزىلىپ وتىرعان جاڭاشىلدىقتاردىڭ ەل بولاشاعى ءۇشىن ماڭىزدىلىعىن اتاپ ءوتتى.
جاڭا كونستيتۋتسيا جوباسىندا ادام مەن ازاماتتىق قۇقىقتىڭ ارا-جىگىن اجىراتۋ ۇسىنىلدى
كەزدەسۋدىڭ نەگىزگى ماقساتى – جاڭا كونستيتۋتسيا جوباسىن جان-جاقتى تالقىلاۋ, جاستاردىڭ ازاماتتىق بەلسەندىلىگىن ارتتىرۋ, قۇقىقتىق مادەنيەتتى دامىتۋ جانە زاماناۋي تەحنولوگيالاردى قولدانۋ ارقىلى سىني ويلاۋ داعدىلارىن قالىپتاستىرۋ.
جاس عالىم اكەجان كەڭەسوۆ كەزدەسۋدىڭ جاڭا فورماتىنىڭ ماڭىزدىلىعىن اتاپ ءوتتى:
«جاساندى ينتەللەكت قۇرالدارىن پايدالانا وتىرىپ جۇرگىزىلگەن ءتۇسىندىرۋ جۇمىستارى جاستارعا كونستيتۋتسيالىق رەفورمالاردىڭ ءمانىن تەرەڭ ءارى قولجەتىمدى تۇسىنۋگە مۇمكىندىك بەردى. مۇنداي الاڭدار قۇقىقتىق ساۋاتتىلىقتى ارتتىرىپ, وزەكتى قوعامدىق ماسەلەلەردى اشىق تالقىلاۋعا جاعداي جاسايدى».
«ارداگەرلەر ۇيىمى» جاڭا كونستيتۋتسيا جوباسىن قولدادى
ءوز كەزەگىندە «Qamqor» قوعامدىق قورىنىڭ جەتەكشىسى باعدات انارباەۆا كونستيتۋتسيا جوباسىنىڭ قۇندىلىقتىق نەگىزىنە توقتالدى:
«جاڭا جوبادا «ادىلەتتى قازاقستان» باعدارى مەن «زاڭ جانە ءتارتىپ» قاعيداتى ايقىن كورىنىس تاپقان. ازاماتتاردىڭ قۇقىقتارى مەن بوستاندىقتارىنىڭ باسىمدىعى بەكىتىلىپ, بۇل زاڭدىلىقتى نىعايتۋعا جانە قوعامنىڭ مەملەكەتتىك ينستيتۋتتارعا دەگەن سەنىمىن ارتتىرۋعا باعىتتالعان», دەدى ول.
الماتى قالاسىنىڭ ۆولونتەرلەر فرونت-ءوفيسىنىڭ جەتەكشىسى قىمبات نۇرداۋلەت ۆولونتەرلىك قىزمەتكە قاتىستى وزگەرىستەرگە نازار اۋداردى:
«كەز كەلگەن وزگەرىس دۇرىس ءتۇسىندىرىلىپ, ءتيىمدى جۇزەگە اسىرىلعان جاعدايدا عانا وڭ ناتيجە بەرەدى. جاڭا كونستيتۋتسيادا ۆولونتەرلىك پەن قايىرىمدىلىق قورلارى سالاسىنا قاتىستى وزگەرىستەر ۇسىنىلىپ وتىر, بۇل ۆولونتەرلىك قىزمەتتى ىنتالاندىرۋعا باعىتتالعان. بۇگىن مۇندا الماتىداعى جاستار ۇيىمدارىنىڭ كوشباسشىلارى مەن باسشىلارى جينالدى, ال الماتىلىق جاستاردىڭ پىكىرى سالماقتى جانە مىندەتتى تۇردە ناتيجەسىن بەرەدى دەپ ويلايمىن».
حالىقارالىق زاڭگەرلەر قاۋىمداستىعى: جاڭا كونستيتۋتسيا جوباسى حالىقارالىق ستاندارتتارعا ساي
جاس كاسىپكەر اقارىس تورەبەكوۆ ءىس-شارا فورماتى جاستاردىڭ زاماناۋي سۇرانىسىنا ساي ەكەنىن اتاپ ءوتتى:
«بۇگىندە جاساندى ينتەللەكت جاستاردىڭ ومىرىندە, وقۋدا, تۇرمىستا, كۇندەلىكتى شەشىمدەر قابىلداۋدا ەرەكشە ورىن الادى. بىزدە قاتىسۋشىنىڭ سۇراعى, قاتىسۋشىنىڭ پىكىرى جانە جاساندى ينتەللەكتتىڭ پىكىرى بار. جاستار نە دەيدى, جي نە ايتادى جانە ءىس-شارا قوناقتارى قانداي قورىتىندى شەشىمگە كەلەدى. سونى كورۋ قىزىق. جاستار كوزقاراسى ارقىلى قالىپتاسقان ورتاق پىكىر قۇندى».
ءماجىلىس دەپۋتاتى ايدوس سارىم كونستيتۋتسيالىق باتلعا قاتىسىپ, كەزدەسۋدىڭ فورماتىن جوعارى باعالادى:
«بۇل – وتە جاقسى, جاستارعا لايىقتى جانە زاماناۋي فورمات. ءوزىم ءۇشىن دە قىزىقتى بولدى. بۇگىنگە دەيىن جاڭا كونستيتۋتسيا جوباسى بويىنشا ازاماتتاردان ءتورت مىڭنان استام ۇسىنىس ءتۇستى. ولار كونستيتۋتسيالىق سوتتىڭ سالىستىرمالى كەستەلەرىندە ورنالاستىرىلىپ جاتىر, ياعني ادامدار بۇل وزگەرىستەردىڭ تەڭ اۆتورلارىنا اينالىپ جاتىر», دەدى ا. سارىم.