ەلورداداعى №100 مەكتەپتە قازاق پوەزياسىنىڭ الىپ تۇلعاسى مۇقاعالي ماقاتاەۆتىڭ 95 جىلدىعىنا ارنالعان رۋحاني كەش ۇيىمداستىرىلدى, دەپ جازادى Egemen.kz.
تاعىلىمدى ءىس-شاراعا اقىننىڭ تۋعان ولكەسى – قاراساز اۋىلىنداعى مۋزەيدىڭ قالىپتاسۋىنا زور ەڭبەك سىڭىرگەن مۇقاعاليتانۋشى عالىم جۇماش وتەەۆتىڭ جۇبايى, التىن القا يەگەرى, ارداگەر ۇستاز تىلەۋحان مەرگەنباەۆا جانە قىزى اراي جۇماشقىزى ارنايى قوناق رەتىندە شاقىرىلدى.
اققۋ ايگىلەگەن اقيقات
كەزدەسۋ بارىسىندا قاراسازداعى مۋزەيدىڭ اشىلۋ تاريحى, «قاراساز فەنومەنى» ۇعىمى, سونداي-اق مۇقاعالي مۇراسىنىڭ بۇگىنگى تاڭدا زەرتتەلۋ دەڭگەيى سەكىلدى ماڭىزدى تاقىرىپتار كەڭىنەن ءسوز بولدى.
الماتى وبلىسى, رايىمبەك اۋدانى, قاراساز اۋىلىنان ارنايى استاناعا كەلگەن تىلەۋحان مەرگەنباەۆا اقىنمەن جۇزدەسكەن ساتتەرىنەن سىر شەرتىپ, ەل بىلە بەرمەيتىن تىڭ دەرەكتەر مەن جۇرەككە جىلى ەستەلىكتەرىمەن ءبولىستى.
اقيىق اقىندى شەتەل وقىرمانى قالاي باعالايدى؟
كەش اياسىندا مەكتەپ وقۋشىلارى مۇقاعالي ماقاتاەۆتىڭ ولەڭدەرىن مانەرلەپ وقىپ, اندەرىن ورىنداپ, اقىن رۋحىنا قۇرمەت كورسەتتى. سونىمەن قاتار, №100 مەكتەپتىڭ 9 ء«ا» سىنىپ وقۋشىسى تۇرسىنالى مەيىرمان جۇماش وتەەۆكە ارنالعان ارناۋىن وقىپ, كورەرمەن كوڭىلىن تولقىتتى.
ۇلى پوەمانىڭ ءبىر بەتى
تاعىلىمعا تولى بۇل كەش جاس ۇرپاقتىڭ ۇلتتىق ادەبيەتكە دەگەن سۇيىسپەنشىلىگىن ارتتىرىپ, مۇقاعالي پوەزياسىنىڭ ماڭگىلىك قۇندىلىعىن تاعى ءبىر مارتە دالەلدەدى.