باس پروكۋراتۋرا جانە ءىىم-ءنىڭ ينتەرپول ۇلتتىق ورتالىق بيۋروسىنىڭ قىزمەتكەرلەرى قازاقستاننىڭ چەرنوگورياداعى ەلشىلىگىنىڭ كومەگىمەن اسا ءىرى كولەمدە قاراجات ۇرلاعان ءۇشىن قىلمىستىق جاۋاپكەرشىلىككە تارتۋ ماقساتىندا اتالعان ەلدەن تۇرىك ازاماتىن ەكستراديتسيالادى, دەپ حابارلايدى Egemen.kz.
تەرگەۋ بارىسىندا اتالعان جەكە تۇلعا قۇرىلىس كومپانياسىنىڭ باسشىسى بولا وتىرىپ, 2022-2024 جىلدار ارالىعىندا جالعان كەلىسىمشارتتار جاساپ جانە ۇلەستەس ۇيىمدار ارقىلى الماتىداعى تۇرعىن ءۇي كەشەندەرىنىڭ قۇرىلىسىنا ارنالعان 6 ملرد تەڭگەدەن استام قاراجاتتى جىمقىرعانى انىقتالدى.
قىلمىس جاساعاننان كەيىن كۇدىكتى جاسىرىنىپ, وعان حالىقارالىق ىزدەۋ جاريالانعان.
«2025 جىلدىڭ ناۋرىز ايىندادا ول چەرنوگوريادا ۇستالىپ, باس پروكۋراتۋرانىڭ سۇراۋى بويىنشا قازاقستانعا ەكستراديتسيالاندى. قازىرگى ۋاقىتتا كۇدىكتى تەرگەۋ يزولياتورىنا قاماۋعا الىندى», دەلىنگەن حابارلامادا.كۇدىكتى قىلمىستى جاساعانى ءۇشىن مۇلكى تاركىلەنىپ, 10 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
ايتا كەتەيىك, بۇعان دەيىن قازاقستاننىڭ يسپانياداعى ەلشىلىگىنىڭ قولداۋىمەن بارسەلونا قالاسىنان لاۋازىمدىق وكiلەتتiكتەردى تەرىس پايدالانعان جانە قىزمەتتىك جالعاندىق جاساۋ فاكتىلەرى بويىنشا كۇدىككە ىلىنگەن قازاقستان ازاماتىن ەكستراديتسيالاندى.