الماتىدا 7-شاعىن اۋدانداعى كوپقاباتتى ۇيلەردىڭ بىرىندە ءورت بولدى. وقيعا ورنىنان جاس ايەلدىڭ ءمايىتى تابىلدى, دەپ حابارلايدى Egemen.kz قالالىق توتەنشە جاعدايلار دەپارتامەنتىنە سىلتەمە جاساپ.
«23 ادام ءۇش اياقتى باسپالداق پەن قۇتقارۋ كاپيۋشونىنىڭ كومەگىمەن قۇتقارىلدى. 1990 جىلى تۋعان ازامات № 7 قالالىق اۋرۋحاناعا جاتقىزىلدى, 1997 جىلى تۋعان ايەلدىڭ دەنەسى تابىلدى», دەپ حابارلادى تجد.
ءورتتى سوندىرۋگە 48 ءورت ءسوندىرۋشى مەن 12 تەحنيكا جۇمىلدىرىلدى.
ءورتتىڭ جالپى اۋماعى 30 شارشى مەتردى قۇرادى. ءورت ساعات 05:52-دە ءسوندىرىلدى.
تەرگەۋشىلەر مەن پوليتسەيلەر وقيعانىڭ ءمان-جايىن انىقتاپ جاتىر.