پەتروپاۆل. 9 قاڭتار. ع.مۇسىرەپوۆ اتىنداعى اۋداننىڭ ورتالىعى – نوۆويشيم اۋىلىندا زاماناۋي دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى. بۇل تۋرالى سولتۇستىك قازاقستان وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.
نىساندى سالۋعا 260 ميلليون تەڭگە جۇمسالىپ, باس مەردىگەر «سولتۇستىك قۇرىلىس» سەرىكتەستىگى مەرزىمىندە ىسكە قوستى.
«مۇندا باسكەتبول, ۆولەيبول, كۇرەس, بوكس, جەڭىل اتلەتيكا سەكتسيالارى, ترەناجەر زالى جۇمىس ىستەيتىن بولادى. كورەرمەندەرگە ارنالعان 160 ورىندى تريبۋنا بار», – دەدى سالتاناتتى اشىلۋ راسىمىندە سويلەگەن اۋدان اكىمى ۆلاديمير دۋدوۆ.
ءومىر ەسقالي.
دەرەك: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.
سۋرەت: «قازاقپارات».