اتىراۋ. 9 قاڭتار. اتىراۋ وبلىسىنىڭ قۇرمەتتى ازاماتى اتاعىنا يە بولعاندار قاتارى زاڭگەرلەرمەن تولىقتى. بۇل تۋرالى egemen.kz ءتىلشىسى حابارلادى.
مۇنداي قۇرمەتتى اتاققا بۇعان دەيىن ءوڭىردىڭ الەۋمەتتىك-ەكونوميكالىق دامۋىنا ايرىقشا ۇلەس قوسقان بەلگىلى تۇلعالار يە بولعان ەدى. وبلىستىق ءماسليحاتتىڭ وتكەن جىلعى جەلتوقسانداعى شەشىمىمەن سوت سالاسىن دامىتۋعا ەلەۋلى ەڭبەك سىڭىرگەن قوس زاڭگەر – يراك ەلەكەەۆ پەن قاليدوللا شاۋحاروۆقا اتىراۋ وبلىسىنىڭ قۇرمەتتى ازاماتى اتاعى بەرىلدى. ويتكەنى, قوس زاڭگەر اتىراۋدا دا ۇزاق جىل قىزمەت اتقارعان. ماسەلەن, بىرنەشە جىل وبلىستىق ادىلەت باسقارماسىن ابىرويلى باسقارعان يراك ەلەكەەۆ پارلامەنت ءماجىلىسىنىڭ دەپۋتاتتىعىنا سايلانىپ, زاڭ شىعارۋ ىسىنە بەلسەنە ارالاستى. ال بۇرىن وبلىستىق سوتقا توراعالىق ەتكەن تاجىريبەلى زاڭگەر قاليدوللا شاۋحاروۆ جوعارعى سوتتىڭ سۋدياسى رەتىندە ءادىل سوت ۇكىمىن شىعارۋعا لايىقتى ۇلەسىن قوسىپ كەلەدى.
ابىرويلى قىزمەتىمەن ەلگە تانىلعان زاڭگەرلەرگە وبلىس اكىمى باقتىقوجا ىزمۇحامبەتوۆ قۇرمەتتى اتاقتىڭ كۋالىگى مەن توسبەلگىسىن تاپسىردى.
جولداسبەك شوپەعۇل.
دەرەك, سۋرەت: egemen.kz.