ەلىمىزدىڭ وڭىرلەرى سۋ استىندا قالعان ۋاقىتتا ءوز ىسىمەن وزگەلەرگە ۇلگى بولعان وقۋشىلار دا از ەمەس. سولاردىڭ ءبىرى - مكەنتاۋلىق گاۋھار شايمەردەندى, دەپ حابارلايدى Egemen.kz.
ەستەرىڭىزدە بولسا, 11 جاسار وقۋشى جاڭا ءموبيلدى تەلەفون ساتىپ الۋعا دەپ ءبىر جىل جيناعان اقشاسىن سۋ تاسقىنىنان زارداپ شەككەن ايماقتارعا كومەككە جىبەرگەن.
ء«بىز بىرگەمىز» جالپىۇلتتىق تەلەمارافون كەزىندە گاۋھار «حابار» ارناسىنىڭ ستۋدياسىندا قوناقتا بولىپ, وعان تەلەارنا اتىنان سمارتفون سىيعا تارتىلدى.
سول ۋاقىتتا قاتتى اۋىرىپ, اۋرۋحانادا جاتقان ەدىم. قۇلسارىداعى جاعدايدى تەلەفوننان كوردىم. ەرتەڭىنە اۋرۋحانادان شىققاندا, كەنتاۋدا قۇلسارىعا گۋمانيتارلىق كومەك جينالىپ جاتقانىن ەستىدىم. تەلەفون الامىن دەپ جيناپ جۇرگەن اقشامدى قۇلسارىعا كومەك رەتىندە بەرگىم كەلدى. سەبەبى قۇلسارىداعى جاعدايدى كورىپ قاتتى ۋايىمدادىم. بۇل تۋرالى ويىمدى اناما ايتىپ ەدىم, ول قارسى بولمادى. انام ەكەۋمىز اپارىپ بەردىك. ىشىنە حات جازىپ, قۇلسارىلىق دوستارىما تىلەۋلەس ەكەنىن, ولاردىڭ ۋايىمداماۋى كەرەك ەكەنىن جازدىم. ال بۇگىن ماعان ارمانىمداعى تەلەفوندى سىيلادى, شىن قۋانىپ تۇرمىن, راحمەت, - دەدى ءجاسوسپىرىم.
ايتا كەتەيىك, سۋ تاسقىنىنان زارداپ شەككەن ازاماتتار وتەماقى, تولەم تۇرلەرى, قۇرىلىسقا نەمەسە سۋ باسقان ءۇيدى قالپىنا كەلتىرۋگە بايلانىستى qoldau.gov.kz. اقپاراتتىق پورتالى ارقىلى اقپارات ءبىلىپ, ءوتىنىم بەرە الادى.