اۋىزسۋ مولشەرىن ارتتىراتىن جوبا

وبلىس ورتالىعى اقتاۋ قالاسىنان 50 شاقىرىم جەردە, مۇنايلى اۋدانى اۋماعىندا ورنالاسقان «قۇيىلىس» جەراستى سۋلارى كەن ورنىنداعى ستانسا ماڭعىستاۋ اتوم ەنەرگەتيكالىق كومبيناتىنىڭ ورتالىق سۋمەن جاب­دىقتاۋ تورابىنا (وسجت-1) ۇزدىكسىز سۋ جەتكىزۋدى جۇزەگە اسىرادى. قازىرگى تاڭدا 30-دان اسا ادامدى جۇمىسپەن قامتىپ وتىرعان ستانسا وتكەن عاسىردىڭ 60-جىلدارىنان بەرى جۇمىس ىستەپ كەلەدى. ۇزاق جىلدار بويى جابدىقتارى جاڭارتىلماعان كەن ورنىنداعى ەسكى قۇبىرلاردى رەكونسترۋكتسيالاۋ جۇ­مىستارى قولعا الىندى. اق­تاۋ قالا­سى­نىڭ تۇرعىندارىن سۋمەن قامتىپ, ورتالىق سۋمەن جابدىقتاۋ تورابىنا تۇسەتىن تەحنيكالىق سۋ كولەمىن ۇل­عايتۋ ءۇشىن, سونداي-اق «كاسپي» سۋ تۇشى­تۋ زاۋىتىن سۋمەن قامتاماسىز ەتۋ ماق­سا­تىن­دا «اليانس-لتد» جشس ۇزىندىعى 46 شاقىرىم قۇبىردى رەكونسترۋكتسيالادى.

– قازىرگى تاڭدا جالپى ۇزىندىعى 46 شاقىرىم ۋچاسكەدە 28 شاقىرىم قۇبىر ورناتىلدى. «قۇيىلىس» كەن ورنىنان ماڭعىستاۋ اتوم ەنەرگەتيكالىق كومبيناتىنا جانە «كاسپي» سۋ تۇشى­تۋ زاۋىتىنا دەيىن تارتىلاتىن سۋ قۇبى­رى رەكونسترۋكتسيالانىپ بىتكەن سوڭ وبلىس ورتالىعىنداعى تەحنيكالىق سۋ­دىڭ كولەمى ەداۋىر ارتادى, – دەيدى ماڭ­عىس­تاۋ وبلىسىنىڭ ەنەرگەتيكا جانە تۇر­عىن ءۇي-كوممۋنالدىق شارۋاشىلىق باس­قار­ماسىنىڭ باسشىسى ابدەش تۇرىكمەنباەۆ.

اتالعان جوبانىڭ قۇنى شامامەن 18,4 ملرد تەڭگەگە باعالانادى. جوبانى ىسكە اسىرۋعا 2024 جىلى رەسپۋبليكالىق بيۋد­جەتتەن قوسىمشا 5,5 ملرد تەڭگە جانە جەرگىلىكتى بيۋدجەتتەن 1,8 ملرد تەڭ­گە ءبولىندى. سونداي-اق ماڭعىستاۋ وب­لىسىنىڭ ەنەرگەتيكا جانە تۇرعىن ءۇي-كوم­مۋنالدىق شارۋاشىلىق باسقارماسى سۋ رەسۋرستارى جانە يرريگاتسيا مينيستر­لىگىنە 5,1 ملرد تەڭگە كولەمىندە قوسىمشا قاراجات بولۋگە بيۋدجەتتىك ءوتىنىم بەردى. سۋ قۇبىرىن رەكونسترۋكتسيالاۋ جونىن­دەگى جوبا ۋاقتىلى قارجىلاندىرىلسا, جۇمىستار 2024 جىلدىڭ جاز ايلارىندا اياقتالادى دەگەن جوسپار بار.

قىس بولسا جىلۋدىڭ, جاز باستالىسىمەن اۋىزسۋدىڭ ايقايى باستالاتىن اقتاۋدا اۋىزسۋ كولەمىن ارتتىرۋعا ءسال دە بولسا سەبى تيەتىن جوبانىڭ ۋاقىتىن­دا قارجىلاندىرىلماي, قاراجاتتان قاعىلۋى مۇمكىن ەمەس. بۇل – ەلدىك ماسەلە.

ماڭعىستاۋ وبلىسى