استانا قالاسىنداعى ۇلى دالا داڭعىلىن سۋ باستى. توتەنشە جاعدايلار مينيسترلىگى حابارلاعانداي, داڭعىلعا جايىلعان سۋ قاردىڭ قارقىندى ەرۋىنەن پايدا بولعان, دەپ جازادى Egemen.kz.
«استانا قالاسىندا قاردىڭ قارقىندى ەرۋىنە بايلانىستى ۇلى دالا داڭعىلىنداعى قار شىعارۋعا ارنالعان پوليگوندا ەرىگەن سۋ جايىلىپ جاتىر», دەلىنگەن مينيسترلىك حابارلاماسىندا.
قازىر اتالعان مەكەنجايدا تجد جانە جەرگىلىكتى اتقارۋشى ورگانداردىڭ كۇشتەرى جۇمىس ىستەپ ءجۇر.
سونداي-اق داڭعىل بويىنداعى سۋدى سورۋ ءۇشىن 110 ءورت-سورعى ستانتسياسى جانە 7 بىرلىك موتوپومپا قولدانىلىپ جاتىر. ەرىگەن سۋدى باسقا باعىتقا بۇرۋ جۇمىستارى باستالىپ كەتتى.