الماتىدا سەيسميكالىق قاۋىپسىزدىك جانە جۇمىلدىرۋ دايىندىعى باسقارماسى باسشىسى قىزمەتىن باتىرحان سۇلەيمەنوۆ ۋاقىتشا اتقارادى, ال نۇرلان نۇرعابىلوۆ قوعامدىق كەڭىستىكتەردى دامىتۋ باسقارماسىن ۋاقىتشا باسقارادى, دەپ حابارلايدى Egemen.kz.
باتىرحان سۇلەيمەنوۆ 1992 جىلى اتىراۋ وبلىسىندا دۇنيەگە كەلگەن.
2015 جىلى ۇلىبريتانيانىڭ كارديفف مەتروپوليتان ۋنيۆەرسيتەتىن «مەنەدجمەنت» ماماندىعى بويىنشا تامامداعان.
ەڭبەك جولىن 2014 جىلى باستاعان. ءار جىلدارى كوممەرتسيالىق جانە مەملەكەتتىك ۇيىمداردا باسشىلىق لاۋازىمداردا جۇمىس ىستەدى. 2017 جىلى قۇرىلىس كومپانياسىندا باس ديرەكتور بولىپ جۇمىس ىستەدى. 2020 جىلدان باستاپ اتالعان تاعايىنداۋعا دەيىن الماتى قالالىق جوسپارلاۋ جانە ۋربانيستيكا باسقارماسى باسشىسىنىڭ ورىنباسارى بولدى.
نۇرلان نۇرعابىلوۆ 1988 جىلى تۋعان.
ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا, سونداي-اق «بولاشاق» باعدارلاماسى بويىنشا مەن University of Dundee ( ۇلىبريتانيا) ءبىتىرىپ, قۇقىق ماگيسترى بىلىكتىلىگىن الدى.
ەڭبەك جولىن 2008 جىلى «Macleod Dixon LLP» كومپانياسىنىڭ الماتى فيليالىندا باستاعان. استاناداعى ۇكىمەت جانىنداعى ۇلتتىق تالداۋ ورتالىعى ەكونوميكالىق ستراتەگيالار دەپارتامەنتىندە ساراپشى-تالداۋشى بولىپ جۇمىس ىستەگەن. 2012-2013 جىلدارى – ادىلەت مينيسترلىگى مەملەكەتتىڭ م ۇلىكتىك قۇقىقتارىن قورعاۋ دەپارتامەنتىنىڭ باس ساراپشىسى. 2023 جىلعى ماۋسىمنان باستاپ قازىرگى تاعايىنداۋعا دەيىن الماتى قالاسى جەر قاتىناستارى باسقارماسىنىڭ باسشىسى بولدى.
قالا اكىمدىگى تاراتقان حابارلامادا: «ەسكە سالساق, الماتى ءماسليحاتىنىڭ كەزەكتەن تىس XIV سەسسياسىندا جاڭا سەيسميكالىق قاۋىپسىزدىك جانە جۇمىلدىرۋ دايىندىعى باسقارمالارى بەكىتىلدى. جاڭا قۇرىلىمدار اۋداندىق اكىمدىكتەردىڭ باسقا باسقارمالارىن, اپپاراتتارىن وڭتايلاندىرۋ ەسەبىنەن قالىپتاسادى جانە شتاتتى ۇلعايتۋدى كوزدەمەيدى», دەلىنگەن.