الداعى قىركۇيەك ايىنىڭ 8-18 كۇندەرى استانا قالاسىندا V دۇنيەجۇزىلىك كوشپەندىلەر ويىنى وتەتىنى جايلى كوپشىلىك حاباردار. اتالمىش شارا الەمدىك ەتنيكالىق سپورت تۇرلەرىن ناسيحاتتاۋدىڭ بىرەگەي ۇلگىسى رەتىندە باعالانۋدا, دەپ جازادى Egemen.kz.
وسى ورايدا, جوعارىداعى مارتەبەلى جارىستىڭ العاشقى دايىندىعى ىسپەتتى 15-18 ءساۋىر كۇندەرىشىمكەنت شاھارىندا تۇڭعىش رەت جامبى اتۋدان ەرەسەكتەر اراسىندا ازيا چەمپيوناتى وتكەلى جاتىر. بۇل سايىسقا يندونەزيا, كۋۆەيت, قىرعىزستان, قىتاي, موڭعوليا, ومان, وزبەكستان, پاكىستان, رەسەي, ساۋد ارابياسى, سيريا, تايلاندجانە قازاقستان قاتارلى 30 ەلدىڭ 60 استام مەرگەندەرى «ماجار», «ازيا», «تۇركى» ستيلدەرى بويىنشا سايىسقا تۇسەدى دەپ كۇتىلۋدە.
وسى ورايدا, جوعارىداعى مەملەكەت وكىلدەرىنىڭ قاتىسۋمەن تاريحتا تۇڭعىش رەت قازاقتىڭ ءتول ونەرى «جامبى اتۋ» ءستيلى بويىنشا ازيا قۇرلىق فەدەراتسياسى قۇرىلىپ, ونىڭ باسشىلىعىنا قازاقستاندىق بيزنەسمەن ەركەبۇلان ءىلياسوۆ سايلاندى. بولاشاقتا فەدەراتسيانىڭ كەڭسەسى قازاقستاندا ورنالاساتىندىقتان جيىنعا قاتىسۋشى وكىلدەر اتالىم مەكەمەنىڭ اتقارۋشى ديرەكتورى رەتىندە ۇسىنىلعان ەلنۇر يساقۇلدىڭكانديتاتۋراسىن بەكىتتى.
سونداي-اق, جاڭادان قۇرىلعان فەدەراتسياىنىڭۆيتسە-پرەزيدەنتى بولىپ قىتاي ەلىنىڭ وكىلى دجانگلي مىرزا سايلانسا, تورەشىلەرگە توراعالىق ەتۋ مىندەتى وڭتۇستىك افريكا ەلىنىڭ ازاماتى اماليراچكەگە جۇكتەلدى.
باس قوسۋ بارىسىندا, قازاقستان رەسپۋبليكاسى جامبى اتۋ فەدەراتسياسىنىڭ ۆيتسە-پرەزيدەنتى باقداۋلەت ءسابيتوۆ, جينالعان كوپشىلىككە ازيا جامبى اتۋ فەدەراتسياسىنىڭ الداعى بەس جىلدىق جۇمىس جوسپارىمەن تانىستىرىپ, ۇيىم قۇرامىنا ەنگەن ەلدەرگە جامبى اتۋ سپورتى بويىنشا بولاشاقتا قولداۋلار بولاتىنىن جەتكىزدى.
«بۇگىن ءبىز تاريح بەتىندە ءىز قالدىراتىن, ەرەكشە وقيعاعا كۋا بولىپ وتىرعانىمىز. ات ۇستىندە ساداق اتۋدان ازيا فەدەراتسياسىنىڭ باستى ماقساتى – قازاقتىڭ مەرگەندىك ونەرى «جامبى اتۋ» ءستيلىن 2030 جىلى دوحادا وتەتىن جازعى ازيا ويىندارىناەنگىزۋ. وسى ماقساتتا قازاقستان تاراپى فەدەراتسياعا مۇشە مەملەكەتتەردىڭ مەرگەندەرىن قولداۋعا دايىن. سونىڭ ءبىر دالەلى – الداعى ءتورتجىلدا فەدەراتسيا مۇشە مەملەكەتتەرگە ەشقانداي جارنا تولەتپەيدى جانە قارجىلىق كومەك كورسەتەدى», باقداۋلەت مارات ۇلى.
جيىن ۇستىندە فەدەراتسياعا جاڭادان مۇشە بولعان مەملەكەت وكىلدەرى وزدەرىن تولعاندىرعان ساۋالدارىن قويىپ, تۇشىمدى جاۋاپ الدى. بۇيىرساالداعى ۋاقىتتا جامبى اتۋدان جىل سايىن ءداستۇرلى تۇردە ازيا چەمپيوناتى, ازيا كۋبوگى جانە حالىقارالىق تۋرنيرلەر وتكىزىپ تۇرۋعا توقايلاستى.