سۋ باسقان وڭىردەگى اعايىنعا تىلەكتەستىك تانىتىپ, جان-جاقتان جاردەم قولىن سوزىپ جاتقاندار از ەمەس. بۇل رەتتە قىزىلوردا وبلىسىنىڭ اكىمى نۇرلىبەك نالىباەۆ سۋ تاسقىنىنان زارداپ شەككەن وڭىرلەرگە كومەك كورسەتۋدى تاپسىردى.
بۇعان دەيىن دە قىزىلوردالىقتار اقتوبە قالاسى مەن قوبدا اۋدانىنا 25 جۇك كولىگىنە تيەلگەن 83 ملن تەڭگەنىڭ 112 توننا ازىق-ت ۇلىك, كورپە-توسەك, ءدارى-دارمەك, قۇرىلىس زاتتارىن, 50 ملن تەڭگەنىڭ 20 توننا جەمشوبىن جەتكىزىپ, اشىلعان ەسەپشوتتارعا 2,5 ملن تەڭگە اۋدارعان ەدى. وسى كومەك كەرۋەنىنەن كەيىن دە جاردەم جاساۋعا ۇمتىلعاندار قاتارى تولاستاعان جوق. قالا جانە اۋدان اكىمدىكتەرى ۇيىمداستىرعان «كۇشىمىز – بىرلىكتە!» اكتسياسىنا وبلىستىڭ جاناشىر ازاماتتارى مەن ەرىكتىلەر ۇلەس قوسىپ كەلەدى.
سارسەنبى كۇنى ايماقتاعى ءىرى مۇناي كومپانيالارىنىڭ ءبىرى – «تورعاي پەترولەۋم» اكتسيونەرلىك قوعامى اتىراۋ, اقتوبە, قوستاناي, باتىس قازاقستان, سولتۇستىك قازاقستان وبلىستارىنا 50 ملن تەڭگەنىڭ 120 توننا قايىرىمدىلىق كومەگىن جەتكىزەتىن كەرۋەندى جونەلتتى. ازىق-ت ۇلىك, گاز پليتالارى, قايىقتار مەن قۇرال-سايماندار, توسەك جابدىقتارى, ىدىس-اياق, گيگيەنالىق زاتتار مەن ءدارى-دارمەك تيەلگەن 10 جۇك كولىگى جولعا شىقتى. ولارعا وبلىستىق ءماسليحات توراعاسى, «Amanat» پارتياسى وبلىستىق فيليالىنىڭ جەتەكشىسى ناۋرىزباي بايقاداموۆ, «تورعاي پەترولەۋم» اق باس ديرەكتورى داۋرەن ابىلقايىروۆ ءسات ساپار تىلەدى. قايىرىمدىلىق كەرۋەنىن جانە ەرىكتىلەردى ايتىسكەر اقىن, ن.بەكەجانوۆ اتىنداعى قازاق مۋزىكالىق اكادەميالىق دراما تەاترىنىڭ ديرەكتورى مۇحتار نيازوۆ باستاپ بارادى.
قازىر قوستاناي, اقتوبە وبلىستارىندا قىزىلوردالىق 66 قۇتقارۋشى, 9 ارنايى تەحنيكا, 4 قايىق پەن 20 موتوپومپا جۇمىس ىستەپ, تاسقىنعا توسقىن بولىپ ءجۇر. وزگە دە وڭىرلەرگە دە جاردەم كورسەتۋ ءۇشىن «جاستار ورتالىقتارى», ساۋدا ۇيلەرى مەن بازارلاردا اشىلعان پۋنكتتەردە ءالى دە گۋمانيتارلىق كومەك جيناقتالىپ جاتىر.
قىزىلوردا