ماكروەكونوميكالىق مۇمكىندىك

ەل ەكونوميكاسىنىڭ وسى­مىنە قاتىستى 2024 جانە 2025 جىلدارعا ارنالعان بولجام 4,5% جانە 5% دەڭگەيىندە ساق­­تالىپ وتىر. 2026 جىلعا ار­نالعان بولجام 4,5%-دان 4,7%-عا دەيىن ءبىرشاما ءوستى.

2024 جىلعا ارنالعان ين­فلياتسياعا قاتىستى بولجام كوپ وزگەرمەي, 8,4% بولدى (الدىڭعى بولجام – 8,5%). 2025 جىلعا ارنالعان بولجام – 6,5%-دان 7%-عا دەيىن, 2026 جىلعا بولجام 5,7%-دان 6%-عا دەيىن ءوسۋ جاعىنا قاراي قايتا قارالدى.

سونىمەن قاتار ساراپشىلار بارلىق بولجامدى كەزەڭدە بازالىق مولشەرلەمەنى جوعا­رىراق دەڭگەيدە كۇتەدى. 2024 جىلعا ارنالعان كۇتۋلەر – 13,8%-دان 14%-عا دەيىن, 2025 جىلعا – 10,5%-دان 11,2%-عا دەيىن, 2026 جىلعا 9%-دان 9,8%-عا ءوستى.

ساۋالناماعا ەل اۋماعىندا ماكروەكونوميكالىق كورسەت­كىش­تەردى تالداۋمەن جانە بولجاۋمەن اينالىساتىن 11 ۇيىم قاتىستى. رەسپوندەنتتەردىڭ قاتا­­رىنا نارىقتىڭ كاسىبي قاتى­سۋ­شىلارى, زەرتتەۋ ينستيتۋتتا­رى, حالىقارالىق ۇيىمدار مەن رەيتينگتىك اگەنتتىكتەر كىرەدى.