ۇلىتاۋ وبلىسى پروكۋراتۋراسىنىڭ سوتقا دەيىنگى تەرگەپ-تەكسەرۋ باسقارماسى قاراعاندى جانە ۇلىتاۋ وبلىسى بويىنشا №62 مەكەمە جانە ۇلتتىق ۇلان №6505 اسكەري ءبولىمىنىڭ قىزمەتكەرلەرى سوتتالعانداردى ازاپتاعانىن انىقتادى, دەپ جازادى Egemen.kz.
مەكەمەنىڭ 7 جانە اسكەري ءبولىمنىڭ 4, جالپى 11 قىزمەتكەرى №62 مەكەمەسىندە جازاسىن وتەپ جاتقان 11 سوتتالعاندى كەمسىتۋ جانە سول مەكەمەدە جازاسىن وتەپ جاتقان باسقا دا سوتتالعانداردى قورقىتۋ ماقساتىندا كۇش قولدانىپ, ازاپتاعان.
لاۋازىمدى تۇلعالار مۇنداي ارەكەتكە وزدەرىنىڭ قىلمىستىق ءىسىن جاسىرۋ ءۇشىن بارعان. سونداي-اق ولار بۇل ارەكەتىن باسشىلىققا تارتىپكە باعىنباعانى ءۇشىن جاسالدى دەپ بايانداعان.
تەرگەۋ بارىسىندا كۇدىكتىلەرگە بۇلتارتپاۋ شارالارى قولدانىلىپ, تەرگەۋ سوتىمەن ولار لاۋازىمدارىنان ۋاقىتشا شەتتەتىلدى. وسى جىلدىڭ 26 ناۋرىزىندا ءىس سوتقا جولداندى.