28 تامىز – 8 قىركۇيەك ارالىعىندا فرانتسيا استاناسى پاريج قالاسىندا 23 سپورت تۇرىنەن XVII پاراليمپيا ويىندارى وتەدى. وعان قازاقستان ۇلتتىق قۇراماسى سپورتتىڭ 9 تۇرىنەن (پارا جەڭىل اتلەتيكا, پارا پاۋەرليفتينگ, پارا تاەكۆوندو, پارا ۇستەل تەننيسى, پارا ءجۇزۋ, پارا دزيۋدو, پارا كانوە, وتىرىپ وينايتىن ۆولەيبول, پارا نىسانا كوزدەۋ) قاتىسادى دەپ جوسپارلانعان. بۇل تۋرالى تۋريزم جانە سپورت مينيسترلىگى مالىمدەدى, دەپ جازادى Egemen.kz.
پاراليمپياداشىلار 11 ليتسەنزيا جەڭىپ العان. اتاپ ايتقاندا, وتىرىپ وينايتىن ۆولەيبولدان ەرلەر قۇراماسى – 1, پارا جەڭىل اتلەتيكا بويىنشا يادرو لاقتىرۋ – 1, پارا ءجۇزۋ – 3, پارا كانوە – 1, پارا پاۋەرليفتينگ – 1, پارا تاەكۆوندو – 3, پارا نىسانا كوزدەۋ – 1.
سونىمەن قاتار پاراليمپياداعا جولداما بەرىلەتىن تاعى 23 سپورتتىق ءىس-شارا وتەدى دەپ جوسپارلانىپ وتىر.