Facebook الەۋمەتتىك جەلىسىندە جالعان اقپارات تاراپ ءجۇر. بۇل جولى الاياقتار قازاقستان پرەزيدەنتى قاسىم-جومارت توقاەۆتىڭ بەينەسىن پايدالانىپ, مەملەكەت قولداۋ كورسەتىپ وتىرعان جاڭا ينۆەستيتسيالىق پلاتفورما ىسكە قوسىلعانىن مالىمدەدى, دەپ جازادى Egemen.kz.
جالعان بەينەروليكتىڭ مازمۇنىنا قاراعاندا, ونداعان ازامات بىرنەشە ايدىڭ ىشىندە اۆتوكولىك پەن تۇرعىن ءۇي ساتىپ العان. Stopfake.kz بۇل اقپاراتتى جوققا شىعاردى.
شىن مانىندە الاياقتار مەملەكەت باسشىسىنىڭ سويلەگەن ءسوزىن جالعان داۋىسپەن دىبىستاعان. قازاقستاندا جاڭا باعدارلامانىڭ ىسكە قوسىلعانى تۋرالى رەسمي دەرەك تە جوق.
الاياقتار قولدانۋشىلارعا بەلگىسىز سايتقا كىرىپ, ءوتىنىمدى تولتىرۋدى ۇسىنادى. بىراق سايتقا وتسەڭىز, الاياقتار جەكە دەرەكتەرىڭىزگە قول جەتكىزىپ, قارجىلىق قىلمىس جاساۋى ىقتيمال.