ۇلىستىڭ ۇلى كۇنىن بيىل امال مەرەكەسىمەن باستالعان ناۋرىزدى بۇگىن قاراعاندىلىقتار ايرىقشا اتاپ ءوتتى. قاراعاندىداعى ورتالىق ساياباقتا اقشاڭقان اق ۇيلەر تىزبەكپەنەن قۇرىلىپ, ۇلتتىق بولمىس سالتانات قۇردى. مۇنداي مەرەكەلىك دۋمان اۋدان-قالالاردا دا اۋقىمدى كورىنىس تاپتى, دەپ جازادى Egemen.kz.
كوپشىلىك قاۋىمعا ارناپ, قاراعاندىلىق ونەرپازدار «ارمىسىڭ, ءاز ناۋرىز!» اتتى مەرەكەلىك تەاترلاندىرىلعان قويىلىم ۇسىندى.
ق.بايجانوۆ اتىنداعى «ارقا سازى» فولكلورلىق ءانسامبلىنىڭ توي باستار انىمەن باستالعان مەرەكەلىك ءىس-شارا «قۇس قاناتىنداعى ناۋرىز» اتتى تەاتر قويىلىمىمەن جالعاستى.
ارمەن قاراي «اراي» ءانسامبلىنىڭ انشىلەرى ءان-جىرمەن شاشۋ شاشتى. حالىقارالىق بايقاۋلاردىڭ لاۋرەاتى, «دارىن» مەملەكەتتىك سىيلىعىنىڭ يەگەرى, «گولوس» جانە «سلاۆيان بازارى» حالىقارالىق بايقاۋىنىڭ جۇلدەگەرى, امرە اتىمەن كوپشىلىككە تانىلعان ەرنار سادىرباەۆ ونەر كورسەتتى.
«ازيا داۋىسى» فەستيۆالىنىڭ جەڭىمپازى, دارا دارىن يەسى باۋىرجان يساەۆ تا مەيمانداردى مەرەكەمەن قۇتتىقتاپ, ءان شىرقاپ بەردى.
قاراعاندىلىق ديزاينەرلەردىڭ «Nauryz - Fاshion» اتتى ءسان كورمەسى دە كوپشىلىكتى قىزىقتىردى.
دۋماندى كەش قالي بايجانوۆ اتىنداعى كونتسەرتتىك بىرلەستىك ازىرلەگەن مەرەكەلىك باعدارلامامەن جالعاستى.
مەرەكەلىك دۋماندا وبلىس اكىمى ەرماعانبەت بولەكپاەۆ ءار قۇرىلىم, ۇيىم قۇرعان كيىز ۇيلەردى ارالاپ, مەيمانداردى ۇلىستىڭ ۇلى كۇنىمەن قۇتتىقتادى.
ۇلتتىق سپورت تۇرلەرىنەن سايىستار ۇيىمداستىرىلدى. كيىز ۇيدە كىلەم توقۋ, كيىز باسۋ سەكىلدى شەبەرلىك ساباقتارى ءوتتى. وسىلايشا, كەنشىلەر استاناسىندا ءتول مەرەكەمىز تورگە وزۋدا.