ازاماتتىق قوعام مەن مەملەكەت اراسىنداعى كوپىر

مەملەكەت باسشىسىنىڭ باس­تاماسىمەن قۇرىلعان ۇلتتىق قۇرىلتاي ينستيتۋتى – «حالىق ۇنىنە قۇلاق اساتىن مەملەكەت» قاعيداتىنىڭ ناقتىلى كورىنىسى جانە ازاماتتىق قوعام مەن مەملەكەت اراسىنداعى كوپىر قىزمەتىن اتقارادى. قۇرىلتاي ارقىلى قۇ­زى­رەتتى ساراپشىلار ءوز باس­تا­مالارىن جانە ازاماتتاردىڭ تىلەك­تەرىن مەملەكەتتىك ورگان­دارعا تىكەلەي جەتكىزۋگە مۇمكىندىك الادى.

ۇلتتىق قۇرىلتاي قىزمەتىنىڭ ما­ڭىزدى اسپەكتىلەرىنىڭ ءبىرى – ازامات­تاردىڭ ءال-اۋقاتىن ارتتى­رۋعا جانە ءومىر ءسۇرۋ ساپاسىن, ونىڭ ىشىندە جاپپاي كاسىپكەرلىك ارقىلى جاقسارتۋعا باعىتتالعان باستامالار. مىسالى, جاستار سايا­ساتى تۇجىرىمداماسى شەڭ­بە­­رىندە جاس كاسىپكەرلەرگە جىل­دىق 2,5% جەڭىلدىكپەن نەسيە بەرۋ ەنگىزىلدى. سونداي-اق ەڭبەكشىلەردىڭ ەلدىڭ دامۋىنا, وركەندەۋى مەن ءال-اۋقاتىنا قوس­قان ۇلەسىن تانۋعا ەرەكشە نا­زار اۋدارىلادى. ادال ءارى جاسامپاز ەڭبەك قوعامنىڭ نەگىزگى قۇندىلىعىنا اينالۋعا ءتيىس. وسى جۇمىس شەڭبەرىندە قۇرىلتاي مۇشەلەرىنىڭ كومەگىمەن قوعامدا ەڭبەك قۇندىلىعى يدەولوگيا­سىن ىلگەرىلەتۋدىڭ 2023-2025 جىلدارعا ارنالعان كەشەندى جوسپارى بەكىتىلدى, ەڭبەك كۇنىن مەرەكەلەۋدىڭ جاڭا تاسىلدەرى قابىلداندى.

ۇلتتىق قۇرىلتاي ازاماتتىق قوعام مەن قۇندىلىقتار جۇيەسىن دامىتۋ بويىنشا ءتۇرلى ءىس-شارا­لار­عا باستاماشىلىق جاساي وتى­رىپ, قازىرگى قوعامنىڭ سىن-تەگەۋ­رىندەرىنە بەلسەندى تۇردە دەن قويادى. سونىڭ ءبىر مىسالى, وتباسىلىق-تۇرمىستىق زورلىق-زومبىلىققا قارسى ءىس-قيمىل جانە بالالار مەن ايەلدەردىڭ قۇقىقتارىن قورعاۋ جونىندەگى تۇزەتۋلەرگە باستاما جاسالدى. تۇزەتۋلەردىڭ كوپشىلىگى قازاق­ستان­دا ايەلدەر مەن بالا­لارعا قاتىس­تى قىلمىستار ءۇشىن جاۋاپ­تىلىقتى قاتاڭداتۋعا باعىت­­تال­عان.

ۇلتتىق قۇرىلتاي مۇشە­لە­رىنىڭ ۇسىنىستارى نەگىزىن­دە نا­شا­قورلىققا جانە ەسىرتكى بيز­نە­سىنە قارسى كۇرەستىڭ 2023-2025 جىلدارعا ارنالعان كەشەندى جوس­پارى بەكىتىلدى. سونىمەن قاتار وقۋشىلار مەن جاستار ارا­سىندا ەلەكتروندى تەمەكى – ۆەيپتى تۇتىنۋدىڭ الدىن الۋ جو­نىندەگى 2023-2025 جىلدارعا ارنالعان جول كارتاسى, 2023-2024 وقۋ جىلىنا ارنالعان بالا­لاردىڭ قۇمار ويىندارعا جانە كومپيۋتەرلىك ويىندارعا (لۋدو­مانيا) تاۋەلدىلىگىنىڭ الدىن الۋ بويىنشا جول كارتاسى قابىل­دان­دى.

اقپاراتتىق تەحنولوگيا­لار­دىڭ دامۋى اياسىندا ازاماتتاردىڭ مەديا كەڭىستىكتەگى قاۋىپسىزدىگى سترا­تەگيالىق ماڭىزعا يە. وسى تۇرعىدا, اقپاراتتىق دوكترينانى ىسكە اسىرۋ جونىندەگى 2023-2025 جىلدارعا ارنالعان ءىس-قيمىل جوسپارى بەكىتىلدى. بالا­لار­دى قالاۋسىز كونتەنتتەن, كيبەر­بۋللينگتەن جانە باسقا دا اقپاراتتىق قاۋىپتەردەن قور­عاۋدى قامتاماسىز ەتۋگە باعىت­تال­عان «بالالار – ينتەرنەت – مەديا قاۋىپسىزدىك» جول كارتاسى قابىلداندى.

ەلىمىزدە ۆولونتەرلىكتى دا­مى­تۋدىڭ 2021-2023 جىلدار­عا ارنالعان جول كارتاسى قا­بىل­دانعان. ۆولونتەرلىكتى قول­­­داۋ ازاماتتىق قوعامنىڭ دا­مۋى­­نا ىقپال ەتەدى, ويتكەنى ەرىك­تى­لەر ءارتۇرلى قوعامدىق جانە قايى­رىمدىلىق باستامالارعا بەل­سەندى قاتىسىپ, ازاماتتاردىڭ سەنىمى مەن قوعامدىق پروبلەمالاردى شەشۋگە دەگەن ىنتاسىنىڭ ارتۋى­نا ىقپال ەتەدى.

تالداۋ جانە زەرتتەۋ ۇيىم­دا­رى مەديتسينا, تەحنولوگيا, ەكونوميكا سىندى ءتۇرلى سالالاردا قولدانۋعا بولاتىن جاڭا ءبىلىم مەن تەحنولوگيالاردى قۇرۋدا شەشۋشى ءرول اتقارادى. وسى ورايدا ۇلتتىق قۇرىلتاي مۇشە­لە­رىنىڭ ۇسىنىمدارى نەگىزىندە قابىلدانعان تالداۋ جانە زەرتتەۋ ۇيىمدارىن دامىتۋ جونىن­دە­گى جول كارتاسى – يننوۆاتسيالاردى ىنتالاندىرۋ, ءبىلىم مەن عىلىمدى دامىتۋ, سونداي-اق قوعام مەن ەكونوميكانىڭ وزەكتى پروبلەمالارىن شەشۋ ءۇشىن ما­ڭىز­دى قادام.

ۇلتتىق قۇرىلتاي مۇشەلەرى ەلدىڭ الەۋمەتتىك-مادەني دامۋىنا, ءبىلىم بەرۋگە, ۇلتتىق جانە ما­دەني مۇرانى ساقتاۋعا دا ءجىتى نازار اۋدارىپ وتىر. اتاپ ايتقاندا, قازاقستان رەسپۋب­ليكاسىندا ءتىل ساياساتىن دامى­تۋ­دىڭ 2023-2029 جىلدارعا ار­نالعان تۇجىرىمداسىن بەكىتۋ ەلدەگى كوپتىلدىلىكتى قولداۋ مەن دامىتۋعا, قازاق ءتىلىن ساقتاۋعا جانە ىلگەرىلەتۋگە نەگىز بولادى. 7 تومدىق «ەجەلگى داۋىردەن بۇگىنگى كۇنگە دەيىنگى قازاقستان تاريحى» اكادەميالىق باسىلىمىن دايىنداۋ تاريحي مۇرانى ساقتاۋ جانە ەلدىڭ وتكەنى تۋرالى بىلىمگە قول جەتكىزۋدى قامتاماسىز ەتۋ ءۇشىن ماڭىزدى. «بىرىڭعاي تار­بيە باعدارلاماسىن» ازىر­لەۋ, «بالالار كىتاپحاناسى» باع­دار­لاماسىن بەكىتۋ جانە 1 770 كىتاپتان ۇسىنىلاتىن كوركەم ادەبيەتتەر ءتىزىمىن قالىپتاستىرۋ مادەنيەتتىڭ دامۋىنا cەپتىگىن تيگىزەدى.

الەۋمەتتىك جانە ينجەنەر­لىك ينفراقۇرىلىمدى جاڭ­عىر­تۋ ەسەبىنەن «اۋىل – ەل بە­سىگى» جوباسىن ىسكە اسىرۋ وڭىر­­لەردىڭ تەڭگەرىمدى دامۋى­نا, اۋىلدىق اۋماقتاردىڭ الەۋ­مەت­تىك-ەكونوميكالىق الە­ۋە­تىن نىعايتۋعا جانە قالالارعا كوشى-قون اعىندارىن ازايتۋعا جار­دەمدەسەدى.

ۇلتتىق قۇرىلتاي مۇشەلەرىنىڭ ەلدىڭ مادەني جانە زياتكەرلىك الەۋەتىن نىعايتۋعا باعىتتالعان باس­تا­مالارى دا ءبىرشاما. مى­سالى, «كينەماتوگرافيا تۋرالى» زاڭعا تۇزەتۋلەر ازىرلەۋ جانە فيلمدەر مونيتورينگىنىڭ بىر­ىڭعاي اقپاراتتىق جۇيەسىن قۇرۋ كينەماتوگرافيالىق ين­دۋس­­تريا­نىڭ دامۋىنا جانە وندى­رىلەتىن فيلمدەردىڭ ساپاسىن ارتتىرۋعا ىقپال ەتەدى. سونداي-اق پارلامەنتتە وڭىرلىك رامىز­دەر­دى رەتتەۋ جونىندەگى زاڭ جوباسى قارالىپ جاتىر. «ازىرەت سۇلتان» تاريحي-مادەني قورىق-مۋزەيىنە «ۇلتتىق» مارتەبەسىن بەرۋ ەلدىڭ تاريحي جانە مادەني يگىلىكتەرىنىڭ ماڭىزدىلىعىن نىعايتادى.

ۇلتتىق قۇرىلتاي – بۇل ءوز جۇمىسىن ءتۇرلى فورماتتاردا جۇ­زەگە اسىراتىن تۇتاس قوعامدىق ينس­تيتۋت. ۇلتتىق قۇرىلتايدىڭ رەسمي سايتى جانە الەۋمەتتىك جەلى­لەردە اككاۋنتتارى بار. «حابار» تەلەارناسىندا 2023 جىل­دان باستاپ ءتۇرلى وڭىرلەردى قوسۋمەن «ۇلت­تىق قۇرىلتاي» ارنايى باع­دار­لاماسى كورسەتىلىپ كەلەدى. بۇگىنگى كۇنى 10 باعدارلاما ەفيرگە شىعىپ, وندا ەلدىڭ دامۋىنا ىقپال ەتەتىن ءتۇرلى باستامالار تال­قى­لاندى.

قۇرىلتايدىڭ ءبىرىنشى جانە ەكىنشى وتىرىستارىندا ايتىلعان ۇلتتىق قۇرىلتاي مۇشەلەرىنىڭ ۇسى­نىستارىن قاراۋدىڭ قابىل­دانعان جوسپارلارى – مەملە­كەت­تىڭ جۇرتشىلىقتىڭ پىكىرىنە نازار اۋداراتىنىنىڭ ناقتى دالەلى. بۇل ۇسىنىستاردى مۇد­دەلى مەملەكەتتىك ورگاندار تىڭ­عىلىقتى قاراستىردى. ءCوي­تىپ, تال­قىلانعان يدەيالار مەملە­كەت­تىك ورگانداردىڭ ەل ازامات­تا­رى­نىڭ سۇرانىستارىن ىسكە اسىرۋ جونىندەگى جۇمىس باعىتتارىنا اينالدى.