ءبىلىم سالاسى – باقىلاۋدا

مينيستر ات باسىن بۇر­عان ەلدى مەكەننىڭ ءبىرى – قور­عالجىن اۋدانى. وندا مەحانيزاتور, اس­پاز, دانەكەرلەۋشى جانە كومپيۋ­تەرلىك-اپپاراتتىق قام­­­تاماسىز ەتۋ وپەراتورىن دايىندايتىن اگروبيزنەس جانە سەرۆيس كوللەدجى بار. اۋدان ورتالىعىندا ورنا­لاس­قان ءبىلىم مەكەمەسىندە مەم­لەكەتتىك تاپسىرىس بويىنشا 100-گە جۋىق ستۋدەنت وقيدى. كوللەدج جۇمىسىمەن تانىس­قاننان كەيىن مينيستر وقۋ ورنىن ترانسفورماتسيالاۋ جانە دامىتۋ بويىنشا بىرقاتار تاپسىرما بەردى.

– وتكەن جىلى بيزنەستى تىكەلەي قولداۋدىڭ ناتي­جە­سىندە ەلىمىزدەگى 75 كول­لەدجدىڭ ماتەريالدىق-تەح­ني­كالىق بازا­سى جاڭار­تىل­دى. بۇل تاجىريبە جالعا­سادى. ءوڭىر حالقى اۋىل شارۋا­شى­لى­عىمەن اينالىساتىنى بەلگىلى. سوندىقتان ءدال وسى سالاعا سۇرانىسقا يە كادرلاردى دايارلاۋعا نازار اۋدارىپ, جەرگىلىكتى كاسىپ­ورىن­داردى تارتۋ قاجەت. «Talap» كەاق باسشىلىعى اقمولا وبلىسىنىڭ ءبىلىم باسقارماسىمەن بىرلەسىپ وسى كوللەدجدى ترانسفورماتسيا­لاۋ بويىنشا بىرلەسكەن جوبا ازىرلەۋى كەرەك, – دەدى مينيستر.

سونىمەن قاتار ساپار بارىسىندا ع.بەيسەمباەۆ 640-تان استام وقۋشى وقي­تىن قورعالجىن اۋدانى ورتا­لىعىنداعى مەكتەپ-گيمنازياعا باردى. تەكسەرىس ناتيجەسى بويىنشا مەكتەپ ىشىندە بارلىق تەحنيكالىق قاۋىپسىزدىك شاراسى ساقتالعان. اسحانا, سپورتزال, شەبەرحانا, لوگوپەد جانە پسيحولوگ كابينەتى دە جوسپارداعىداي.

سونداي-اق وقۋ-اعارتۋ ءمينيسترى استانا قالاسىنداعى №59 جانە №92 جالپى ءبىلىم بەرەتىن مەكتەپتەردىڭ جۇمىسىمەن دە تانىستى. مۇندا پەداگوگيكالىق قوعام­داس­تىقپەن كەزدەسىپ, ورتا ءبىلىم بەرۋ, پەداگوگتەردى قايتا دايارلاۋ جانە بىلىكتىلىگىن ارت­تىرۋ جۇيەسىندەگى وزەكتى ماسەلەلەردى تالقىلادى.