«ۇلتتىق قور – بالالارعا». جيناقتى كادەگە جاراتۋدىڭ جولى قانداي؟

نجش-داعى قاراجات تۇرعىن ءۇي جاعدايىن جاقسارتۋعا جانە بجزق-مەن ءتيىستى كەلىسىمدەر جاساسقان ۋا­كى­لەتتى وپەراتورلار ارقىلى ءبى­لىم الۋعا اقى تولەۋگە ارنالعان. نجش-عا اۋدارىل­عاننان كەيىن قارا­جات دوللارمەن ساقتالادى. 2024 جىلى كامەلەتتىك جاسقا تول­عان­نان كەيىن نىسانالى جيناقتار­دى الۋشىلار وزدەرىنىڭ نىسانا­لى جي­ناقتارىن كورسەتىلگەن ماقسات­تارعا پايدالانۋ قۇقىعىنا يە بولادى.

باعدارلاما ىسكە اسىرىلا باس­تاعان العاشقى ايدا – 2024 جىلعى 1 ناۋرىزداعى جاعداي بويىنشا جالپى سوماسى 42 078,34 دوللاردى قۇرايتىن 422 ءوتىنىش ورىندالدى (بجزق ۋاكىلەتتى وپەراتورعا ءوتىنىش بەرۋشىلەردىڭ بانكتىك شوتتارىنا ەسەپتەۋ ءۇشىن اۋداردى). ونىڭ ىشىندە تۇرعىن ءۇي جاعدايىن جاقسارتۋ ماقساتىندا 16 016,04 دوللارعا 162 ءوتىنىش, ءبىلىم بەرۋ اقىسىن تولەۋ ءۇشىن 26 062,30 دوللارعا 260 ءوتىنىش ورىندالدى.

بجزق تاراتقان اقپاراتقا سۇيەنسەك, قاراجاتتى تۇرعىن ءۇي جاعدايىن جاقسارتۋ ءۇشىن پايدالانۋدى تاڭداعاندار اراسىندا ەڭ بەلسەندى بولعان – شىمكەنت قالاسىنىڭ تۇرعىندارى (2 108,84 دوللارعا 21 ءوتىنىش ورىندالدى). ەكىنشى ورىندا – الماتى قالاسىنىڭ تۇرعىندارى (1 707,28 دوللارعا 17 ءوتىنىش ورىندالدى). ءۇشىنشى ورىندا – اباي وبلى­سىنىڭ تۇرعىندارى (1 406,24 دوللارعا 14 ءوتىنىش ورىندالدى).

بۇل رەتتە ودان ءارى جيناقتاۋ ءۇشىن تۇرعىن ءۇي قۇرىلىسى جيناق سالىمىنداعى اقشاسىن تولىقتىرۋ ماقساتىندا 13 105,12 دول­لارعا 133 ءوتىنىش ورىن­­­دالعان. ازاماتتىق-قۇقىق­­تىق مامىلەلەر بويىنشا مەنشىككە تۇرعىن ءۇي ساتىپ الۋعا (تۇپكىلىكتى ەسەپ ايىرىسۋ) – 1 105,20 دوللار, ءۇي ساتىپ الۋ ءۇشىن يپوتەكالىق تۇرعىن ءۇي قارى­زىن الۋ بويىنشا 602,08 دوللار مول­شەرىندە باستاپقى جارنا ەنگىزىلدى.

سونىمەن بىرگە قاراجاتتى ءبىلىم بەرۋ اقىسىن تولەۋ ءۇشىن پاي­دا­لانۋ بويىنشا دا كوش باسىنا شىمكەنت تۇرعىندارى شىق­تى. ولاردىڭ جالپى 5 422,86 دول­لار سوماسىنا 54 ءوتىنىشى ورىندال­عان. ەكىنشى ورىندا – جەتىسۋ وبلى­سىنىڭ تۇرعىندارى (3 111,96 دول­لارعا 31 ءوتىنىش ورىندالدى). ءۇشىنشى ورىندا – الماتى قالا­سى­نىڭ تۇرعىندارى (2 709,88 دوللارعا 27 ءوتىنىش ورىندالدى).

«وسى باعىت بويىنشا ەڭ تانىمال قوسالقى ماقساتتاردىڭ ىشىندە قازاقستان اۋما­عىندا ورنالاسقان ءبىلىم بەرۋ ۇيىم­­دارىنىڭ ءبىلىم بەرۋ قىز­مەت­تەرىن ۇلەستەرمەن ء(اربىر اكادە­ميالىق كەزەڭ نەمەسە وقۋ جىلى ءۇشىن) نەمەسە بۇكىل وقۋ مەرزىمى ءۇشىن ءبىر مەزگىلدە تولىق كولەمدە اقى تولەمىن جاساۋدى ەرەكشە اتاپ وتۋگە بولادى. بۇل رەتتە 21 240,98 دوللارعا 212 ءوتىنىش ورىن­دال­دى. تانىمالدىعى بو­يىنشا ەكىن­شى ورىندا – ءبىلىم بەرۋ جيناقتاۋ سالىمى تۋرالى شارت بويىنشا ءبىلىم بەرۋ جيناقتاۋ سالىمىن تولىقتىرۋ (2 813 دول­لارعا 28 ءوتىنىش ورىندالدى). ءۇشىنشى ورىندا – شەتەلدىك ءبىلىم بەرۋ ۇيىمدارىنىڭ ءبىلىم بەرۋ قىزمەتتەرىن ۇلەستەرمەن ء(اربىر اكادەميالىق كەزەڭ نەمەسە وقۋ جى­لى ءۇشىن) نەمەسە بۇكىل وقۋ مەرزىمى ءۇشىن ءبىر مەزگىلدە تولىق كولەمدە اقى تولەۋ (1 104,68 دول­لارعا 11 ءوتىنىش ورىندالدى)», دەپ اقپارات بەرەدى زەينەتاقى قورى.

ەسكە سالا كەتەيىك, بۇل تەك العاش­قى ەسەپتەلگەن قاراجات. جىل سايىن ۇلتتىق قوردىڭ ءوسۋى جانە ينۆەستيتسيالىق تابىس الۋ ەسەبىنەن ونىڭ مولشەرى ۇل­عايىپ وتىرادى. بۇدان بولەك, ەسەپتەلگەن قاراجات ۇلتتىق قور اكتيۆتەرىنىڭ قۇرامىندا ينۆەس­تيتسيالانۋىن جالعاستىرادى جانە باعدارلاماعا قاتىسۋشى بالالارعا ولار 18 جاس­قا تولعانعا دەيىن قوسىمشا ين­ۆەستيتسيالىق تابىس اكەلەدى.

2024 جىلدىڭ 1 قاڭتارىن­دا­عى جاعداي بويىنشا, باعدارلا­ماعا قاتىسۋشىلاردىڭ جالپى سانى – 6 919 131 بالا (2006 جىلدىڭ 1 قاڭ­تارى مەن 2023 جىلدىڭ 31 جەل­­توق­سانى ارالىعىندا ومىر­­گە كەلگەن بالالار). ونىڭ ىشىندە 304 815 قاتىسۋشى 2024 جىلى 18 جاسقا تولادى. ولار­دىڭ بارلىعىنا 100 دوللار 52 تسەنت مولشەرىندە بىردەي ماقساتتى تالاپتار سوماسى ەسەپتەلگەنى بەلگىلى.

بالانىڭ نىسانالى تالاپتارعا قاتىسۋشىلار تىزىمىنە قوسىلعانى تۋرالى اقپاراتتى اتا-انالار نەمەسە باسقا دا زاڭدى وكىلدەر kids.enpf.kz سايتى ارقىلى بالانىڭ جسن ءنومىرى بويىنشا تەكسەرە الا­دى. مۇندا سونىمەن بىرگە باع­­دارلاما شارتتارىمەن تانىسىپ, قاجەتتى نۇسقاۋلىق الىپ, قى­زىقتىرعان ساۋالدارعا جاۋاپ تابۋ مۇمكىندىگى دە بار. سونداي-اق ءار بالاعا ەسەپتەلگەن قاراجات تۋرالى دەرەكتەردى اتا-انالار egov.kz پورتالىنداعى جەكە كابينەتىنە كىرىپ, تەكسەرە الادى.

18 جاسقا 2024 جىلى تولاتىن ازاماتتار نىسانالى جي­ناق­تاۋ شوتىنا تۇسكەن قار­جى­سىن بجزق-نىڭ ينتەرنەت رە­سۋر­­سىنداعى جەكە كابينەتى جانە «ەلەكتروندىق ۇكىمەت» ۆەب-پور­تالى ارقىلى ءوز بەتتەرىنشە تەكسەرە الادى.  بالالاردىڭ جا­سى جانە رەسپۋب­ليكا وڭىرلەرى ءبولى­نىسى بويىنشا جاسالعان ەسەپتەۋ­لەرگە قاتىستى ستاتيستيكالىق ەسەپتەر بجزق رەسمي سايتىندا ورنالاستىرىلعان.