S&P رەيتينگتىك اگەنتتىگى ەلىمىزدىڭ كرەديتتىك رەيتينگىن «BBB–» دەڭگەيىندە «تۇراقتى» بولجامىمەن راستادى. سىرتقى رەزەرۆتەردىڭ ەلەۋلى كولەمى جانە بيۋدجەتتىك تۇراقتىلىق وسىنداي بولجامدى بەكىتۋگە ىقپال ەتكەن.
اگەنتتىك ساراپشىلارى مەملەكەتتىك باسقارۋداعى جوسپارلانعان رەفورمالار مەن ەكونوميكالىق رەفورمالار ەگەمەندى رەيتينگتىڭ بولجامىن وڭىنان كورسەتەتىنىن ايتادى.
S&P ساراپشىلارىنىڭ پىكىرىنشە, قۋات كوزى مەن ازىق-ت ۇلىك باعاسىنىڭ جاھاندىق تومەندەۋىنە قاراماستان, ينفلياتسيالىق قىسىم ساقتالىپ وتىر. 2024 جىلى ينفلياتسيا ورتاشا ەسەپپەن 8%-دى قۇرايدى, ال 2026 جىلعا قاراي ۇلتتىق بانكتىڭ ماقساتتى دەڭگەيىنە سايكەس كەلەتىن 5%-عا دەيىن باياۋلايدى. اگەنتتىك ساراپتاۋىنشا, 2015 جىلى ەركىن قۇبىلمالى ايىرباس باعامىنا كوشۋ – قۇبىلمالىلىقتىڭ سىرتقى فاكتورلارىنا بەيىمدەلۋگە كومەكتەستى. 2023 جىلدىڭ جەلتوقسانىندا دوللارسىزداندىرۋ دەڭگەيى 23%-عا جەتتى. تۇراقتى ايىرباس باعامى مەن ينفلياتسيانىڭ بىرتىندەپ تومەندەۋى ودان ءارى ءوسۋدىڭ الدىن الۋى كەرەك.
سونىمەن قاتار S&P ساراپشىلارى ورتالىق بانكتىڭ دەربەستىگى مەن اقشا-كرەديت ساياساتىنىڭ تيىمدىلىگىن ارتتىرۋ ماقساتىندا ۇلتتىق بانكتىڭ جاڭا نەسيە جانە ەكونوميكانى قولداۋ باعدارلامالارىنا قاتىسپاۋعا نيەتتى ەكەنىن جەتكىزدى. ساراپشىلار مەملەكەتتىك شىعىستاردىڭ ءوسۋىن ازايتۋعا باعىتتالعان بيۋدجەتتىك ەرەجەلەردىڭ ەنگىزىلۋىن وڭ باعالادى. وسىلايشا, ۇلتتىق قوردان تۇسەتىن شىعىستار مەن ترانسفەرتتەردىڭ ءوسىمىن ازايتۋعا باعىتتالعان ۇكىمەت جوسپارى مەملەكەتتىك بيۋدجەتتىڭ تاپشىلىعىن ۇستاپ تۇرۋعا جانە حالىقارالىق رەزەرۆتەردىڭ دەڭگەيىن تۇراقتاندىرۋعا اسەر ەتۋگە ءتيىس.