«قازاق گازەتتەرى» سەرىكتەستىگىنىڭ ەر-ازاماتتارى ارىپتەس قىز-كەلىنشەكتەردى مەرەكەمەن قۇتتىقتادى. شاتتىقتى ءىس-شارا ۇجىم باسشىسى ديحان قامزابەك ۇلى جانە ورىنباسارى ۆلاديمير كۋرياتوۆتىڭ العى سوزىمەن باستالىپ, كونتسەرتتىك باعدارلاماعا ۇلاستى. كەشتى جانىبەك ءاليمان مەن اسەت سىزدىقوۆ جۇرگىزدى.
كوكتەمنىڭ جۇپارىن جۇرەككە جۇقتىرعان بۇل مەرەكەنىڭ ءمانى دە, ماڭىزى دا زور. قاي كەزدە دە شان-شاراف, ىزەت-قۇرمەتكە لايىق بولسا دا, بۇل كۇنى نازىك جاندىلارعا ەرەكشە سىي-سياپات كورسەتىلەدى. وسى داستۇرمەن سالتاناتتى ءىس-شارا حانىمداردىڭ بارىنە گۇل سىيلاۋدان باستاۋ الدى.
كەشتىڭ باستى جاڭالىعى – جۋرناليستەر اباي ايماعامبەت, ەلىك اسكەربەك ۇلى جانە ابزال ماقاشتىڭ ورىنداۋىنداعى «انگە سال» ءانى بولدى. قاراكوزدەردىڭ مارتەبەسىن انمەن اۋەلەتكەن جىگىتتەرگە حالىقتىڭ ريزاشىلىعى ەرەكشە بولدى. ال مەرەكەلىك ويىن كونتسەرتتى ودان سايىن قىزدىرا ءتۇستى.
باتىرحان سارسەنحان مەن ساندىبەك ءاسانالى وزدەرىنىڭ ولەڭدەرىن وقىپ, ارۋلاردى قۇتتىقتادى.
كەش سوڭىندا شىڭعىس مۇقاەۆ گيتارامەن اۋەلەتە ءان شىرقاپ, كورەرمەن قاۋىمدى تەبىرەنتتى.
«كوكتەمنىڭ گ ۇلىندەي قۇلپىرىپ, اسەمدىكتىڭ, ادەپتىلىكتىڭ, ادەمىلىكتىڭ يەسى بولىپ باقىتتى دا باياندى عۇمىر كەشىڭىزدەر. دەندەرىڭىزگە ساۋلىق, شاڭىراقتارىڭىزعا شاتتىق, قۇت-بەرەكە تىلەيمىز. كوڭىلدەرىڭىزدەن كوكتەم كوشپەسىن, قۇرمەتتى ارۋلار!», دەگەن تىلەكپەن سالتاناتتى ءىس-شارانى قورىتىندىلادى ۇجىمنىڭ جىگىتتەرى!