باسقا باسىلىمداردان: قازاقستان پرەزيدەنتىنىڭ ازەربايجانعا ساپارى

جاڭا لوگيستيكالىق تەرمينال 

قىتايدىڭ سيان قۇرعاق پورتىندا جاڭا كولىك-لوگيستيكالىق تەرمينال اشىلدى. بۇل – قىتايدىڭ ء«بىر بەلدەۋ, ءبىر جول» باستاماسىنىڭ سوڭعى بۋىنى, وندا قازاقستان جەتەكشى سەرىكتەس بولىپ سانالادى.

تەرمينالعا قازاقستاننىڭ ۇلتتىق تەمىرجول كومپانياسى «قازاقستان تەمىر جولى» «Huawei» كومپانياسىمەن بىرلەسىپ قۇرعان يننوۆاتسيالىق ورتالىق تا كىرەدى. ورتالىق – ء«بىر بەلدەۋ, ءبىر جول» باستاماسىنىڭ جاڭا «Smart Railway» جوباسىنىڭ ءبىر بولىگى.

«بۇل جوبا ترانسكاسپي حالىقارالىق كولىك ءدالىزىن دامىتۋعا جاڭا سەرپىن بەرمەك. سونداي-اق ەۋرازياداعى ساۋدا-ەكونوميكا ىنتىماقتاستىعىن نىعايتا تۇسەدى دەپ سانايمىن», دەپ مالىمدەدى قازاقستان پرەزيدەنتى قاسىم-جومارت توقاەۆ.

قىتايدىڭ ەڭ ءىرى سيان قۇرعاق پورتى شەنسي قالاسىن ورتالىق ازيا جانە ەۋروپامەن بايلانىستىرادى. سيانداعى قازاقستاندىق تەرمينالدىڭ وتكىزۋ قابىلەتى جىلىنا 66 500 TEU (جيىرما فۋتقا تەڭ) اسادى. بۇل قازاقستانعا ەۋرازياداعى ۇلكەن ترانزيتتىك حاب رەتىندەگى الەۋەتىن بۇدان دا ارتتىرۋعا مۇمكىندىك بەرەدى.

بىرىڭعاي ۋاقىت بەلدەۋى ەنگىزىلدى 

كولەمى جاعىنان باتىس ەۋروپامەن بىردەي قازاقستاندا بىرىڭعاي ۋاقىت بەلدەۋىن ورناتۋ ءۇشىن كوپتەگەن ايماق بەيسەن­بىدە ءتۇن ورتاسىندا ساعاتتى ءبىر ساعاتقا كەرى قويىپ, وسىلايشا بۇكىل ەل UTC+5 ۋاقىت بەلدەۋىنە اۋىستى.

وسى كۇنگە دەيىن بۇل ۋاقىت بەلدەۋىندە ەلدىڭ تەك باتىس ايماقتارى عانا بولسا, باسقالارى, سونىڭ ىشىندە استانا مەن الماتى سەكىلدى ءىرى قالالار ءبىر ساعاتقا الدا بولدى. رەسەي جانە قىتايمەن شەكتەسەتىن قازاقستان شىعىستان باتىسقا قاراي 3 مىڭ شاقىرىمعا (شامامەن 1900 ميل) سوزىلىپ جاتىر.

قازاقستان تۇتىنۋشىلارى بانكتەردەن, ۇيالى بايلانىس وپەراتورلارىنان جانە باسقا دا قىزمەت پروۆايدەرلەرىنەن 1 ناۋرىزدا ەلدىڭ باسىم بولىگى باسقا ۋاقىت بەلدەۋىنە اۋىساتىندىقتان تەحنيكالىق اقاۋلار بولۋى ىقتيمال دەگەن حابارلامالار الدى.

بىلتىر 148 مىڭ اۆتوكولىك شىعارىلدى 

كەيىنگى بىرنەشە جىلدا قازاقستاندا اۆتوموبيل ونەر­كاسىبى ايتارلىقتاي ءوستى. تەك 2023 جىلدىڭ وزىندە ەلدە 148 مىڭ­نان استام كولىك شىعارىلدى, بۇل وتكەن جىلمەن سالىستىرعاندا 30 پايىزعا كوپ.

بۇل – ءوسىم ەلدىڭ ەكونوميكاسىن ءارتاراپتاندىرۋ ساياساتىنىڭ پەرسپەكتيۆالى ناتيجەلەرىنىڭ دالەلى.

وتكەن جىلى ۇلتتىق ەكونوميكا 5,1 پايىزعا ءوستى. 2023 جىلدىڭ العاشقى 10 ايىندا ماشينا جاساۋ سالاسى 27%-عا ارتتى. قازاقستاننىڭ ۇلتتىق ەكونوميكا مينيسترلىگىنىڭ حابارلاۋىنشا, بارلىق سالانىڭ ىشىندە اۆتوموبيل ونەركاسىبى وسى كەزەڭدە ەڭ جوعارى ءوسىم 42%-دى كورسەتتى. جاڭا ءوندىرىس ورىندارىنىڭ اشىلۋى سالانىڭ قارقىندى دامۋىنا ايتارلىقتاي ىقپال ەتتى.

اگروەكسپورتتىق كەلىسىمگە قول جەتكىزىلدى 

قىتاي قازاق ەتىنىڭ يمپورتىنا سالىنعان تىيىمدى الىپ تاستاۋعا كەلىستى. الايدا قازاقستان شەنەۋنىكتەرى ديپلو­ماتيالىق ەڭبەگىنىڭ جەمىسىن كورۋى ءۇشىن ءبىراز ۋاقىت قاجەت بولۋى مۇمكىن, ويتكەنى لوگيستيكالىق تار جولدار شەكارا ارقىلى جۇك تاسىمالىنا كەدەرگى كەلتىرىپ وتىر.

قازاقستان اۋىل شارۋاشىلىعى مينيسترلىگىنىڭ مالىمە­تىنشە, قىتايدىڭ بۇل شەشىمى قازاقستاندىق قۇس ەتىن, شوشقا جانە سيىر ەتىن يمپورتتاۋعا قاتىستى. ايتا كە­تەيىك, قازاقستاندىق قۇس ونىمدەرىن قىتايعا كىرگىزۋگە قاتىستى تىيىم 2005 جىلدان بەرى بار. شوشقا مەن سيىر ەتىنە شەكتەۋلەر 2022 جىلى مال اراسىنداعى اۋسىل ىندەتىنەن كەيىن كۇشىنە ەندى.

قازاقستاندىق يمپورت قايتا جاندانۋى مۇمكىن, دەگەنمەن قىتاي شەنەۋنىكتەرى يمپورتتىڭ قاتاڭ پارامەترلەرىن بەلگىلەدى. قازىر قىتايعا تەك ەكى زاۋىت 8 مىڭ تونناعا دەيىن مۇزداتىلعان ەتتى جونەلتە الادى. شەشىمدە ەت يمپورتىنا ارنالعان كۆوتانىڭ مەرزىمى كورسەتىلمەگەن. قازاقستاننىڭ ەت وداعىنىڭ توراعاسى ماقسۇت باقتىباەۆ قازاقستاننىڭ قىتايدا باسقا جەتكىزۋشىلەردىڭ ەت ونىمدەرىنە قاتىستى قاتاڭ باسەكەلەستىككە تاپ بولعانى تۋرالى ايتادى. ء«بىز ۇندىستانمەن جانە برازيليامەن باسەكەلەسۋگە ءماجبۇر بولامىز, ولاردىڭ ونىمدەرى الدەقايدا ارزان, ءوندىرىس شىعىندارى تومەن جانە ۇزاق ۋاقىتتان بەرى اياققا نىق تۇرعان», دەيدى م.باقتىباەۆ.

قازاقستاندىق ەت ەكسپورتىنىڭ قايتا جاندانۋى 2023 جىلى قىتايعا استىق جەتكىزۋدىڭ ارتۋىنا بايلانىستى مۇمكىن بولدى.