ساداق اتۋدان قر ۇلتتىق قۇراماسى قۇرىلدى. انجەلا تارىتسا, ايىم تىلەپبەرگەن, ەربول تاپەنوۆ, قانات ابىلايحان ءداستۇرلى ساداق اتۋدان سپورت شەبەرى اتاندى, دەپ حابارلايدى Egemen.kz قر ۇلتتىق سپورت قاۋىمداستىعىنىڭ مالىمەتىنە سىلتەمە جاساپ.
تاعى ءبىر ايتا كەتەتىن جايت, 18 ساداقشى شەبەرلىكتەرىن شىڭداۋ ءۇشىن مالايزياعا اتتاندى.
«تاريحي ءسات, ويتكەنى ءداستۇرلى ساداق اتۋ بويىنشا تۇڭعىش رەت وقۋ-جيىن جاتتىعۋىنا دايىندالىپ جاتىرمىز. بۇل 5 دۇنيەجۇزىلىك كوشپەلىلەر ويىندارىنا ىرىكتەۋ بولىپ سانالادى ءارى قوسىمشا ءوزىمىزدىڭ تاجىريبەمىزدى ارتتىرۋ ءۇشىن مالايزيا ەلىنە بارا جاتىرمىز, وسى وقۋ-جيىنى جاتتىعۋى ارقاسىندا كوشپەلىلەر ويىندارىندا ۇزدىك ناتيجە كورسەتەمىز دەگەن سەنىمدەمىز», دەيدى قر ۇلتتىق قۇراماسىنىڭ باس باپكەرى دياس احمەت.