ساراپشىلار دامۋ جوسپارىنا نەگە قارسى؟

«ۇلت جوسپارىندا مەملەكەت كوتەرگەن ماسەلەلەردىڭ شە­­شىمى جوق. ماسەلەن, قۋاتتى ين­دۋس­تريالىق بازا قۇرۋ جانە ەكو­­نوميكانى ەسەلەۋ. جالپى, مەم­لەكەت باسشىسى قاسىم-جومارت توقاەۆ مۇندا جاڭا ەكونوميكالىق باعىتتى ايتىپ وتىر. وكىنىشكە قاراي, ءبىز ونى جوسپاردان كورە المادىق. بيزنەس پەن ۇكىمەتتىڭ ءوزارا ارەكەتتەسۋى سياقتى ماسەلەلەر دە ناقتى كورسەتىلمەگەن. جوس­پار­دىڭ ءوزى وسى ايدىڭ 5-ءى كۇنى عانا تالقىلاۋعا شىقتى. ول 19 اقپانعا دەيىن جالعاستى. بۇل – تىم قىسقا ۋاقىت. تاعى ءبىر ءۋاج, قۇجات قوعام مەن بيز­نەس­تىڭ قاتىسۋىنسىز ازىر­لەندى. ءسوي­تىپ, ماڭىزدى قۇجاتتى دا­يىنداۋ ىسىندە ءالى دە ەسكى تا­سىل­دەر جالعاسىپ جاتىر», دەي­دى «پاراسات» كاسىپكەرلەر اليان­­سى باسقارما توراعاسى جانە «قازحيمونەركاسىپ» اق توراعاسى ولەگ پاك.

ايتۋىنشا, ەلدەگى رەسۋرس­تار­عا نە­گىزدەلگەن ەكونوميكا ماسە­لەسىن شەشۋ دە جوس­پاردا قا­راستىرىلماعان. شي­كى­زات ەكسپورتىن ەكى ەسە ۇلعاي­تۋ ار­­قىلى ەكونوميكانى ەسە­لەپ كوتەرۋ مۇمكىن ەمەس. سون­دىقتان مۇنى «ەكسپورتقا باعىتتالعان, قوسىلعان قۇنى جوعارى ءونىم ءوندىرۋ» ارقىلى جۇ­زەگە اسىرۋ كەرەك دەيدى. جيىندا ۇيلەستىرۋ كە­ڭەسىنىڭ مۇشە­لەرى دامۋ جوس­پارىنىڭ وز­دەرى دايىنداعان نۇس­قاسىن قابىل­داپ, ۇكىمەتكە ۇسىنۋعا ۋادە بەردى.

«ترانسپارەنت تاريف» قا­ۋىم­­­داستىعىنىڭ توراعاسى پەتر سۆويك بيىل ەلى­مىزدە ناقتى ۇلتتىق جانە ينفرا­قۇ­­­رىلىمدىق جوسپاردىڭ جوق­­­تىعىن, ال بۇرىنعى ۇكى­مەت ازىرلەگەن جوبالار پا­كە­تى كۇ­­شىن جويعانىن ايتتى. ول جاڭا ۇلتتىق جوسپاردى «ستۋ­دەنت­تىك ەسسە» دەپ اتادى. سا­راپ­شى مەملەكەت باسشى­سى­نىڭ ەل جاعدايىن جاق­سار­تۋ­دا «كوپ­تەگەن دۇرىس ويلار ايت­قانىن» تاپتىشتەدى. ما­سەلەن, كەدەيلىك تۇزاعى, الەۋ­مەتتىك-ەكونوميكالىق رەفورمالار جانە ەكونوميكانىڭ وليگوپولياعا ەمەس, حالىققا با­عىت­تالعانى تۋرالى ۇسىنىس-ويلارىن جەتكىزدى.

بالامالى جوسپار جوباسىن «بايتاق» جاسىلدار پارتياسى دا قولدادى. پارتيا توراعاسى ازاماتحان امىرتاەۆ ۇلتتىق جوسپاردا وسىدان ءبىر جىل بۇرىن قابىلدانعان ەلىمىزدىڭ 2060 جىلعا دەيىنگى كومىرتەگى بەي­تا­راپ­تىعىنا قول جەتكىزۋ ستراتەگياسىنا باسىمدىق بەرۋ­دى ۇسىندى.