تۇركىستان وبلىسىندا پوليتسيا قىزمەتكەرلەرى الەۋمەتتىك جەلىلەرگە جۇرگىزىلگەن مونيتورينگ بارىسىندا كامەلەتكە تولماعان ءجاسوسپىرىمنىڭ اۆتوكولىك تىزگىندەگەن بەينەجازباسىن انىقتادى. جەدەل تەكسەرۋ ناتيجەسىندە وقيعانىڭ ورداباسى اۋدانىندا بولعانى بەلگىلى بولعان, دەپ جازادى Egemen.kz.
Polisia.kz مالىمەتىنشە, بەينەجازباداعى ادامدار پوليتسيا بولىمىنە جەتكىزىلگەن.
تەكسەرۋ بارىسىندا 15 جاستاعى ءجاسوسپىرىمنىڭ ۇيدە ۇلكەندەردىڭ جوقتىعىن پايدالانىپ, اتاسىنا تيەسىلى ۆاز كولىگىن رۇقساتسىز ايداپ شىققانى انىقتالعان. سونىمەن قاتار ول كولىك جۇرگىزگەن ءساتىن TikTok الەۋمەتتىك جەلىسىنە جاريالاعان.
تارازدا پوليتسيادان قاشقان ءجاسوسپىرىمنىڭ كەسىرىنەن ءبىر ادام قازا تاپتى
پوليتسيا قىزمەتكەرلەرىنىڭ جەدەل ارەكەتىنىڭ ارقاسىندا جول قوزعالىسىنا ءتونۋى مۇمكىن قاۋىپتىڭ الدىن الۋ مۇمكىن بولدى. اۆتوكولىك ايىپتۇراققا قويىلىپ, زاڭ تالاپتارىنا سايكەس اكىمشىلىك شارالار قابىلداندى.
سونداي-اق كامەلەتكە تولماعان ءجاسوسپىرىمنىڭ زاڭدى وكىلى جاۋاپكەرشىلىككە تارتىلعان.
ءتارتىپ ساقشىلارى تاراپتارعا پروفيلاكتيكالىق ءتۇسىندىرۋ جۇمىستارىن جۇرگىزىپ, كامەلەتكە تولماعانداردىڭ كولىك باسقارۋى ادام ءومىرى مەن جول قاۋىپسىزدىگىنە ەلەۋلى قاۋىپ توندىرەتىنىن ەسكەرتتى.
تارازدا جاسوسپىرىمدەر اراسىنداعى كيكىلجىڭ جاپپاي توبەلەسكە ۇلاستى