بوكستان يتاليانىڭ بۋستو-ارسيتسيو قالاسىندا ناۋرىز ايىنىڭ 4-12 كۇندەرى ارالىعىندا وتەتىن پاريج-2024 ليتسەنزياسى ساراپقا سالىناتىن الەمدىك تۋرنيردە قازاقستان قىزدار قۇراماسى بەس سالماق بويىنشا وليمپيادا جولداماسىنا تالاسادى, دەپ حابارلايدى Egemen.kz.
بوكس فەدەراتسياسىنىڭ ءباسپاسوز قىزمەتىنەن ءمالىم بولعانداي, 114 ەلدىڭ 668 سپورتشىسى اراسىندا 21 جولداما ساراپقا سالىنادى. ءدۇبىرلى دودادا سىنالاتىن ەلىمىزدىڭ بۇرىمدى بوكسشىلارى:
50 كەلى – الۋا بالقىبەكوۆا 54 كەلى – جاينا شەكەربەكوۆا 60 كەلى – ريمما ۆولوسەنكو 66 كەلى – ناتاليا بوگدانوۆا 75 كەلى – ۆالەنتينا حالزوۆا
ەسكە سالايىق, قىزدار بوكسىنان ەل ەنشىسىندە ازىرگە ءبىر جولداما بار. اتاپ ايتقاندا, 2023 جىلعى جازعى ازيا ويىندارىندا 57 كەلىدەگى كارينا يبراگيموۆا پاريج وليمپياداسىنا قاتىسۋعا مۇمكىندىك العان ەدى.