پرەمەر-مينيستر ولجاس بەكتەنوۆ 7 اقپان كۇنى ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ تاپسىرعان مىندەتتەردى تالقىلاۋ ءۇشىن كەڭەس وتكىزدى. جيىندا ۇكىمەت باسشىسى ءمامس جۇيەسىن قايتا رەفورمالاپ, ءار مينيستر ءوز سالاسىندا شەشىم قابىلداي ءبىلۋى ءتيىس ەكەنىن اتاپ ءوتتى, دەپ جازادى Egemen.kz.
ء«مامس جۇيەسى ەلەۋلى قايتا فورماتتاۋدى قاجەت ەتەدى دەپ سانايمىن. قاراجاتتى ءتيىمسىز جۇمساۋ مەن ارتىق جالعان تىركەۋلەر بولا تۇرا ونى قارجىلاندىرۋدى ۇلعايتۋعا جول بەرىلمەيدى. سالا تولىق تسيفرلاندىرۋ مەن اشىقتىقتى تالاپ ەتەدى», دەدى پرەمەر-مينيستر.
ولجاس بەكتەنوۆ جاڭا ۇكىمەت قۇرامىنا ارتىلعان ءۇمىتتى اقتاۋ باستى مىندەت ەكەنىنە نازار اۋداردى. سوندىقتان جۇمىس قارقىنى جوعارى, ال مينيسترلەرگە تالاپ قاتاڭ بولماق.
«فورماليزم مەن بيۋروكراتيالىق سارساڭعا سالىنۋدى تولىعىمەن جويا وتىرىپ, ستەرەوتيپتەردەن ارىلۋ قاجەت.مينيسترلەر ءوز بەتىنشە شەشىم قابىلداي بىلۋگە ءتيىس, سالالىق ماسەلەلەردى ءوز دەڭگەيىندە شەشۋلەرى شارت», دەدى ۇكىمەت باسشىسى.