كەشە تۇنگى 21:30 شاماسىندا بايقوڭىر قالاسىنداعى قر ءىىم-ءنىڭ كەزەكشى بولىمىنە, رف ءىىم «بايقوڭىر» كەشەنىندەگى كەزەكشى بولىمىندە 4 - سىنىپ وقۋشىسىنىڭ ۇيدەن شىعىپ, قايتا ورالماعانى جونىندە حابارلانىپ, ارىز تىركەلگەن. وكىلدىكتىڭ جەكە قۇرامى جەدەل تۇردە جۇمىلدىرىلىپ, رف ءىىب, رف توتەنشە جاعدايلار باسقارماسى, قارماقشى اۋداندىق ءبىلىم ءبولىمىنىڭ بىرلەسكەن جوسپارىنا ساي ىزدەستىرۋ جۇمىستارى باستالدى, دەپ جازادى Egemen.kz.
بۇدان بولەك, بەينەكامەرالارعا مونيتورينگ جۇرگىزىلدى. جەدەل شارالار ناتيجەسىندە جوعالعان بالا امان - ەسەن تابىلدى. وكىلدىكتىڭ تەرگەۋ ءبولىمىنىڭ تەرگەۋشىسى, پوليتسيا لەيتەنانتى بەكجان ۇلىقبەك ۇلى كوپقاباتتى ءۇيدىڭ پودەزىندە ۇيىقتاپ وتىرعان بالاقايدىڭ ۇستىنەن تۇسەدى.
ءدىن امان تابىلعان بالا اتا - اناسىنا تاپسىرىلدى. قازىر پوليتسەيلەر ءمان - جايلاردى انىقتاپ جاتىر.