اقتاۋ قالاسىندا وتكەن سۋرەتشىلەر كورمەسى قازاقستاننىڭ حالىق سۋرەتشىسى ءابىلحان قاستەەۆتىڭ تۋعانىنا 120 جىل, كەسكىندەمەشى, تەاتر جانە كينو سۋرەتشىسى گۇلفايرۋس ىسمايىلوۆانىڭ تۋعانىنا 95 جىل تولۋىنا وراي ۇيىمداستىرىلدى.
ءىس-شارانى اباي اتىنداعى مادەني-دەمالىس كەشەنى جانە قازاقستان سۋرەتشىلەر وداعى ماڭعىستاۋ وبلىستىق فيليالى ۇيىمداستىردى. سۋرەتشىلەر سيمپوزيۋمىنا اقتاۋ قالاسىنداعى يران ەلىنىڭ باس كونسۋلى عولامرەزا حاشەمي, تۇركيانىڭ باس كونسۋلى سابري الىپتەكين, تۇرىكمەنستان كونسۋلدىعىنىڭ اتتاشەسى راحات اننانازاروۆ جانە اقتاۋ قالالىق مادەنيەت, دەنەشىنىقتىرۋ جانە سپورت ءبولىمىنىڭ باسشىسى امانتاي قۇمباەۆ قاتىستى.
سۋرەتشىلەر سيمپوزيۋمىندا 29 سۋرەتشىنىڭ تۋىندىلارى كورسەتىلدى. ءىس-شارا بارىسىندا قالالىق مادەنيەت, دەنەشىنىقتىرۋ جانە سپورت ءبولىمىنىڭ باسشىسى ا.قۇمباەۆ سيمپوزيۋم قاتىسۋشىلارىنا العىسحاتتار مەن ديپلومدار تابىستادى.
«قاڭتار ايىنىڭ باسىندا ءوڭىر سۋرەتشىلەرى اراسىندا سيمپوزيۋم وتكەن بولاتىن. سول سيمپوزيۋمنىڭ قورىتىندىسى رەتىندە سۋرەتشىلەر كورمەسى ۇيىمداستىرىلدى. كەلەسى سۋرەتشىلەر كورمەسىن ناۋرىز ايىندا وتكىزۋ جوسپارلانىپ وتىر», دەدى اقتاۋ قالالىق مادەنيەت, دەنەشىنىقتىرۋ جانە سپورت ءبولىمىنىڭ باسشىسى ا.قۇمباەۆ.
ماڭعىستاۋ وبلىسى