جەكە-دارا كوش باستادى

ءبىرىنشى تايمدا «اقجايىق» ساپىنان ماكسيم پاحوموۆ پەن نۇربول بوكەشوۆ قارسىلاس قاقپاسىنا قوس دوپ سالىپ, ەسەپتى 4:1-گە جەتكىزدى. قازاندىق كلۋبتان ەگور جۋكوۆ جالعىز گولمەن جاۋاپ قاتتى.

ەكىنشى كەزەڭدە نيكولاي ءشاۆالديننىڭ شاكىرتتەرى قارقىندى ءتىپتى كۇشەيتە ءتۇستى. م.پاحوموۆ تاعى ەكى گولدى ەنشىسىنە جازسا, كوماندا كاپيتانى ماكسيم وتەباليەۆ تە قاقپانى ءدال كوزدەپ, ءبىر گولدىڭ اۆتورى اتاندى. تاعى ءبىر رەسەيلىك ارتەم لاپشين قارسىلاس قاقپاسىنا ەكى دوپ ەنگىزدى. ماتچ سوڭىندا قازاندىقتاردان دانيل پيمياحين ءبىر گولمەن جاۋاپ قاتتى. وسىلايشا, 9:2 ەسەبىمەن قارسىلاسىن تاس-تالقان ەتىپ جەڭگەن «اقجايىق» ۇپاي سانىن 30-عا جەتكىزىپ, ەكىنشى توپتا جەكە-دارا كوش باستادى.

باتىسقازاقستاندىق كلۋب كەلەسى وينى­ن 26-27 قاڭتاردا ۋليانوۆسك قالاسىندا «ۆول­گا-چەرەمشانمەن» وتكىزەدى. وسىلايشا, «اق­جايىق» قاتارىنان التىنشى جەڭىسىنە قول جەتكىزىپ وتىر.