ءامىر ومارحانوۆ جاسوسپىرىمدەر اراسىندا اۋستراليا اشىق چەمپيوناتىنىڭ شيرەك فينالىنا شىقتى. الەمدە جاسوسپىرىمدەر رەيتينگىسىندە 27-ورىندا تۇرعان قاراعاندى تەننيس مەكتەبىنىڭ تۇلەگى العاشقى بولىپ وسىنداي ناتيجەگە قول جەتكىزىپ وتىر.
ءا.ومارحانوۆ ءۇشىنشى اينالىمدا الەمدىك رەيتينگىدە وزىنەن ءبىر ساتى جوعارى تۇرعان وڭتۇستىككورەيالىق چاندجۋن كيمدى قاپى قالدىردى. ءبىرىنشى سەتتە ءامىر 6:3 ەسەبىمەن باسىمدىق تانىتسا, ەكىنشىسىندە كيم ەسە قايىردى.
ەسەسىنە شەشۋشى, ءۇشىنشى سەتتە ومارحانوۆ 19-مينۋتتا قارسىلاسىنا ەش مۇمكىندىك قالدىرعان جوق – 6:0. تارتىستى باسەكە ساعات جارىمنان استام ۋاقىتقا سوزىلدى.
ءامىر ومارحانوۆ جارتىلاي فينالعا شىعۋ ءۇشىن جاسوسپىرىمدەر اراسىندا الەمنىڭ 25-راكەتكاسى, نيدەرلاندتىق مەتس روتگەرينگپەن تالاسادى.