بەلگىلى جۋرناليست, «قازاق راديوسىنداعى» «بارمىسىڭ, باۋىرىم؟» باعدارلاماسىنىڭ جۇرگىزۋشىسى قىمبات دوسجان بەلگيالىق قازاق, بىلتىر تۋعان اناسىن ىزدەپ اتاجۇرتىنا كەلگەن جانىبەك – ەددي جانعا (مۇرات ساۆەلەۆ) قاتىستى تىڭ دەرەك ايتتى, دەپ جازادى Egemen.kz.
«سۇراۋى بار» يۋتۋب ارناسىنا سۇحبات بەرگەن جانىبەك – ەددي جاننىڭ قازاقستانداعى زاڭدى وكىلى قىمبات دوسجان 22 جاستاعى بەلگيا ازاماتى تەك اناسىن عانا ەمەس, تۋعان جەرىن, قارا ورمان حالقىن دا ىزدەپ كەلگەنىن ايتتى.
«ول يسپانيانىڭ مايوركا ارالىنان قازاقستانعا كەلۋ ءۇشىن التى اي بويى اقشاسىن جيناعان. دۋباي ارقىلى ۇشىپ كەلدى. سوندا دۋبايدىڭ اۋەجايىندا وزىنە ۇقسايتىنداردى كورىپ ەڭكىلدەپ جىلاپتى. مۇنى ءوزى ايتىپ وتىر. دۋبايدان قايتقان قازاقتاردى العاش كورگەندە ەگىلىپ سالا بەرگەن. 22 جىل شەمەن بولىپ قاتىپ قالعان شەرمەندە ساعىنىش وڭاي ما! ويتكەنى ول ەۋروپادان ءدال مۇنداي كوپ قازاقتى كورگەن جوق. جانىبەك قازىر تايلاندتا تىنىعىپ ءجۇر, از كۇندە يسپانياعا قايتادى. نەگىزگى جۇمىسى – تۋريستەرمەن بايلانىس ورناتىپ, سەرفينگ ۇيرەتەدى. قولى قالت ەتسە, اتقا ءمىنىپ سەيىلدەگەندى, جىلقى جانۋارىن باپتاعاندى قالايدى ەكەن, قانىندا بار عوي», دەدى قىمبات دوسجان.
جۋرناليست سۇحباتىندا جانىبەك – ەددي جاننىڭ اناسىن ىزدەپ كەلۋى سوعىلعان ۇلكەن قوڭىراۋدىڭ تەك سىڭعىرى عانا ەكەنىن ايتتى.