سينوپتيكتەر الداعى ءۇش كۇنگە ارنالعان اۋا رايى بولجامىن جاريالادى. «قازگيدرومەت» رمك 23-25 قاڭتار ارالىعىندا قازاقستان تەرريتورياسىندا ايازدى اۋا رايى بولاتىنىن مالىمدەدى, دەپ جازادى Egemen.kz.
«الداعى ءۇش كۇندە رەسپۋبليكانىڭ بۇكىل باتىس جارتىسىنا باتىس انتيتسيكلونى ىقپال ەتەدى. سالدارىنان جاۋىن-شاشىن, قارسىز ايازدى اۋا رايى بولادى. ال ەلدىڭ قالعان ايماقتارىنا وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىمدەر اسەر ەتەدى. بۇل تسيكلون ىقپالىنا سايكەس جاڭبىر مەن قار ارالاس جاۋىن-شاشىن جاۋادى, كوكتايعاق, تۇمان ءتۇسىپ, بوراندى جەل كۇشەيەدى.
تۇندە ەلدىڭ باتىسىندا اۋا تەمپەراتۋراسى 22-30 گرادۋس ايازعا دەيىن, سولتۇستىك-باتىستا 20-30 اياز, سولتۇستىكتە, ورتالىقتا جانە شىعىستا 7-18 اياز بولادى. وڭتۇستىكتە اۋا تەمپەراتۋراسى كۇندىز +5, تۇندە - 5 گرادۋستى كورسەتسە, وڭتۇستىك-شىعىستا 0-10 گرادۋس اياز كۇشەيەدى», دەلىنگەن «قازگيدرومەت» رمك حابارلاماسىندا.