قر عىلىم جانە جوعارى ءبىلىم ءمينيسترى ساياسات نۇربەك الداعى ۋاقىتتا قانداي ماماندىقتار سۇرانىسقا يە بولاتىنىن ايتىپ بەردى, دەپ حابارلايدى Egemen.kz.
ءمينيستردىڭ سوزىنشە, ەل ەكونوميكاسىن دامىتۋ ءۇشىن مىقتى ينجەنەرلىك كادرلار تاربيەلەنۋى كەرەك.
قازاقستانداعى ينجەنەرلىك كادرلار ق.ي.ساتباەۆ اتىنداعى قازۇتزۋ, اكادەميك ابىلقاس ساعىنوۆ اتىنداعى قارتۋ, ش.ەسەنوۆ اتىنداعى كاسپي تەحنولوگيا جانە ينجينيرينگ ۋنيۆەرسيتەتى, قاراعاندى يندۋستريالدى ۋنيۆەرسيتەتى, ع.داۋكەەۆ اتىنداعى الماتى ەنەرگەتيكا جانە بايلانىس ۋنيۆەرسيتەتى, د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى سياقتى تەحنيكالىق جوعارى وقۋ ورىندارىندا دايىندالاتىنى بارشاعا ءمالىم.
«تەحنيكتەر» اگرارلىق, ەنەرگەتيكالىق, مەتاللۋرگيا, قۇرىلىس, ماشينا جاساۋ جانە ت.ب. كوپتەگەن سالالاردا سۇرانىسقا يە», دەدى ساياسات نۇربەك.
قازىر مينيسترلىك تەحنيكالىق ماماندارعا ءبىلىم بەرۋ ءتاسىلىن ستراتەگيالىق وزگەرتۋ بويىنشا جۇمىس جۇرگىزىپ جاتىر, سونداي-اق شەتەلدىك جوعارى وقۋ ورىندارىنىڭ تاجىريبەسىن زەردەلەپ, جوعارى وقۋ ورىندارىنىڭ بازاسىن جاقسارتىپ, بەيىمدەۋگە كۇش بىرىكتىرىپ وتىر», دەپ جازدى ساياسات نۇربەك ءوزىنىڭ تەلەگرام ارناسىندا.
«مىسالى, ايماقتىق د.سەرىكباەۆ اتىنداعى شقتۋ-دا وتكەن جىلدىڭ سوڭىندا تيانتسزين كاسىپتىك ينستيتۋتىمەن (قحر) بىرلەسىپ, زاماناۋي وقۋ پلاتفورمالارىندا ينجەنەرلىك پراكتيكانى قولدانا وتىرىپ, يننوۆاتسيالىق ادىستەر بويىنشا كولىك ينجەنەر-ستۋدەنتتەر وقىتىلاتىن بىرەگەي لۋ بان شەبەرحاناسى اشىلدى. شەتەلدىك سەرىكتەس جوعارى وقۋ ورىندارىمەن بىرلەسكەن جۇمىس وتاندىق جوعارى وقۋ ورىندارىنىڭ كاسىبيلىگى مەن جوعارى ءبىلىم دەڭگەيىن كورسەتەدى», دەدى ساياسات نۇربەك.
بيىل شقتۋ بازاسىندا مەتاللۋرگيا جانە پايدالى قازبالاردى ءوندىرۋ سالاسىنداعى قازاقستان-گەرمانيا عىلىم جانە تەحنولوگيالار ينستيتۋتىن اشۋ جوسپاردا بار.
«قۇرمەتتى مەكتەپ تۇلەكتەرى مەن اتا-انالار, ماماندىق تاڭداعاندا تەحنيكالىق ماماندىقتارعا نازار اۋدارىڭىز. «تەحنيك» ماماندارى ءاردايىم قاجەت, سەبەبى مۇنداي ماماندىقتىڭ بەدەلى كۇن وتە ارتىپ كەلەدى», دەپ جازدى مينيستر.