جاڭا ساياسي مادەنيەت

بىرىنشىدەن, بۇل سۇحبات – جاي عانا جىل قورىتىندىسى ەمەس, ق.توقاەۆتىڭ بيلىك باسىنا كەلگەننەن بەرگى جۇمىسىنىڭ باستى اسپەكتىلەرى جونىندەگى تەرەڭ بايان­داما.

ەكىنشىدەن, سۇحبات مەملەكەتتىك تىل­دە­گى گازەتكە بەرىلۋى – پرەزيدەنتتىڭ مەم­­لە­­­كەت­تىك تىلگە ايرىقشا نازار اۋدا­را­تىنىن, انا ءتىلىمىزدىڭ ساياسي تۇتقاعا اينال­عانىنىڭ ۇلگىسى.

ۇشىنشىدەن, زاماناۋي سايا­سي ۇدەرىس­تەر­دىڭ قاي باعىتقا دامىپ بارا جاتقانىن قامتىپ, «بۇگىننىڭ باستى ماسەلەسى نەدە؟» دەگەن سۇراققا دالەلدى جاۋاپ بەرەدى.

مەملەكەت باسشىسى جاۋابىنداعى  كوڭىل اۋداراتىن ما­سەلە – قوعامدا كوپ تارالعان قازاق­ستانداعى «قوس بيلىك» جونىندەگى الىپقاشپا اڭگىمە. شىنى كەرەك, ەلىمىزدەگى ەسكى بيلىك جەكە ەكو­نو­ميكالىق مۇد­دەسىن قورعاپ قالۋ ءۇشىن مەملەكەتتى قوسارلانا باسقارۋعا تىرىس­قا­نى انىق.

ولار ء«وزى بي, ءوزى قوجا» كەزىن اڭساپ, مەملەكەتتىك باسقارۋ تەتىكتەرىن قاي­تا­رۋ­عا كۇش سالعانى دا اشىق ايتىلدى. دەگەنمەن بيلىك بۇگىندە حالىقتىڭ باسىم كوپشىلىگىنىڭ مانداتى نەگىزىندە پرەزيدەنت قاسىم-جومارت توقاەۆتىڭ نىق قولىندا.

ديالەكتيكانىڭ «تەرىستەۋدى تەرىستەۋ» دە­گەن زاڭى بار. بۇگىندە ەسكى جۇيە­نىڭ ىستەگەن قاتەلىكتەرى مەن شالىس قادام­دارىن تۇزەتۋ كەزەڭى ءوتىپ جاتىر. «كەتتىڭ بە – قايىرىلما!» وتە دۇرىس اكسيوما! كەتكەن ساياسي تۇلعا ساياساتقا ارالاسپاۋعا ءتيىس. وسىناۋ كۇردەلى الماعايىپ زاماندا پرەزيدەنت بيلىگى نىق جانە مىقتى بولۋى كەرەك. نىق بيلىكپەن ساياسي ءپليۋراليزمدى قولداي وتىرىپ, دامۋ قاجەت.

ەلىمىزدە ساياسي رەفورمالار ءىس جۇزىنە اسىپ كەلەدى. قازاقستان پەرمانەنتتى سايلاۋ كەزەڭىنەن ءوتتى. ەلىمىزدە اۋىل اكىم­دەرىنىڭ بارلىق دەڭگەيدەگى ءماجىلىس, ءماسليحات دەپۋتاتتارى سايلاۋى, اۋدان اكىمدەرى سايلاۋى ءوتتى. قازاقستاندا جاڭا ساياسي مادەنيەت قالىپتاسىپ كە­لەدى.

سونىمەن قاتار ەكونوميكا سالاسىندا قۇرىلىمدىق وزگەرىستەر جاساۋ كەرەك. ىشكى جالپى ءونىم وسكەنىمەن, سول ءونىمدى حالىق اراسىنا ادىلەتتى جەتكىزۋ, ءبولۋ پروبلەماسى بار. جالپى, شەشىمىن كۇتكەن ماسەلەلەر كوپ. قازىردە ەكونوميكالىق تەڭدىك قالىپ­تاس­تىرۋ كەزەڭى ءجۇرىپ جاتىر. كەلەسى كە­زەڭ ساياسي رەفورمالاردى حالىقتىڭ ءال-اۋقاتىن ارتتىرۋ ىرگەتاسىنا ۇلاستىرۋ بولماق.

ەرلان سايروۆ,

ءماجىلىس دەپۋتاتى