استانادا World Athletics Indoor Tour Gold 2024 اياسىندا جەڭىل اتلەتيكادان التىن دەڭگەيدەگى Astana Indoor Meet for Amin Tuyakov Prizes ءبىرىنشى حالىقارالىق ءتۋرنيرى وتەدى, دەپ جازادى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
جەتى قالانى قامتيتىن التىن دەڭگەيدەگى كەزدەسۋلەر سەرياسى 27 قاڭتاردا استانادا باستالىپ, 23 اقپاندا مادريدتە اياقتالادى.
استانادا تومەندەگى ساناتتاعى جارىستار وتەدى:
ايەلدەر: 400م, 60م, 1 ميل, 60م كەدەرگىلەر ارقىلى, بيىكتىككە سەكىرۋ, ۇزىندىققا سەكىرۋ. ەرلەر: 60م, 60م كەدەرگىلەر ارقىلى, 3000م, 400م, سىرىقپەن سەكىرۋ, يادرو لاقتىرۋ.تۋرنيرگە قاتىسۋعا تىركەلگەن سپورتشىلار اراسىندا سىرىقپەن سەكىرۋ بويىنشا قازىرگى الەم رەكوردشىسى ارماند دۋپلانتيس, 200 م جۇگىرۋدە گاۋھار ليگاسى فينالىنىڭ جەڭىمپازى – كانادالىق سپرينتەر ارنە دە گراسس, 100 م كەدەرگىلەر ارقىلى جۇگىرۋدەن الەم چەمپيونى, ريو-دە-جانەيرو وليمپياداسىنىڭ كۇمىس جۇلدەگەرى – نيا الي, سونداي-اق 100 م كەدەرگىلەر ارقىلى جۇگىرۋدەن الەم چەمپيونى – توبي امۋسان سياقتى جەڭىل اتلەتيكانىڭ الەمدىك جۇلدىزدارى بار.