ۇلتتىق ستاتيستيكا بيۋروسىنىڭ دەرەگىنە سايكەس, 2023 جىلدىڭ قاڭتار-قىركۇيەك ارالىعىندا ەلىمىزگە 834,9 مىڭ شەتەلدىك تۋريست ساياحاتتاعان. 2022 جىلعى كورسەتكىشپەن سالىستىرعاندا 225 مىڭ ادامعا ارتقان. ياعني بىلتىر ەلىمىزگە قىدىرىپ كەلگەن تۋريستەر قاتارى 37% كوبەيگەن, دەپ حابارلايدى Egemen.kz ۇلتتىق ستاتيستيكا بيۋروسىنا سىلتەمە جاساپ.
«2022 جىلى ەلىمىزگە 609,8 مىڭ شەتەلدىك كەلگەن. ستاتيستيكالىق مالىمەتتەر بويىنشا, ەلىمىزگە ساياحاتتايتىن شەتەلدىك تۋريستەردىڭ گەوگرافياسى جىل ساناپ ارتىپ كەلەدى. ماسەلەن, قازاقستانعا جاقىن كورشىلەرىمىزدەن بولەك, مۇحيتتىڭ ارعى بەتىندەگى مەملەكەتتەردىڭ دە ساياحتاشىلارى كوپتەپ كەلە باستادى. وسى ورايدا, نازارلارىڭىزعا 2023 جىلدىڭ قاڭتار-قىركۇيەك ارالىعىندا ەلىمىزگە ساياحاتتاعان توپ-5 ەلدىڭ تۋريستەر سانىن ۇسىنامىز. 2023 جىلدىڭ العاشقى 9 ايىندا ەلىمىز بويىنشا ەڭ كوپ ساياحاتشى – رەسەي فەدەراتسياسىنان كەلگەن. بىلتىرعى قاڭتار-قىركۇيەك ارالىعىندا قازاقستانعا 356 850 مىڭ رەسەيلىك ساياحاتتاعان. ەكىنشى ورىندى قىتاي تۋريستەرى يەلەندى. شىعىستاعى كورشىمىزدەن ەلىمىزگە 75 131 ادامنىڭ تابانى تيگەن. ال ءۇشىنشى ساتىعا تۇركيا تۋريستەرى تۇراقتادى. انادولى ەلىنەن 41 134 تۋريست كەلگەن. سونداي-اق ۇزدىك بەستىكتىڭ قاتارىنا ءۇندىستان (34 757) جانە اقش (28 160) ساياحاتشىلارى ەندى», دەلىنگەن اقپاراتتا.
تۋريزم جانە سپورت ۆيتسە-ءمينيسترى ەرجان ەركىنباەۆ 2022 جىلى 600 مىڭنان اسا ساياحاتتاۋشى ەلىمىزگە كەلگەنىن, بىلتىرعى جىلدىڭ توعىز ايىندا 800 مىڭنان اسا تۋريست كورىكتى مەكەنىمىزدى تاماشالاعانىن ايتتى.