يتاليا كورەرمەنىنىڭ كوڭىلىنەن شىقتى

وڭتۇستىك ەۋروپانىڭ قۇي­قالى اۋماعىندا ورىن تەپكەن تاۋلى يتاليانىڭ حالقى بۇل كۇندەرى روجدەستۆولىق قىسقى دەمالىستا ءجۇر. ەۋروپا جۇرتىنا ءتان مادەني, رۋحاني ءىس-شارالار بۇل كۇندەرى جيىلەي تۇسەدى. يسا بايزاقوۆ اتىنداعى پاۆلودار وبلىستىق فيلارمونياسىنىڭ سيمفونيالىق وركەسترى ەلدەر اراسىنداعى مادەني بايلانىس اياسىندا ءارى حالىقارالىق مۋزىكالىق تاجىريبە الماسۋ ماقساتىندا جەلتوقساننىڭ سوڭعى ونكۇندىگىندە ساپارىن باستاپ كەتكەن. شىعارماشىلىق گاسترول بۇل جولى اتالعان مەملەكەتتىڭ شاعىن قالالا­رىندا, اتاپ ايتقاندا, كا­پۋا, سوررەنتو, بەنەۆەنتو, تەرراچينا, پەرۋدجا, تودي, اگە­روللا قالالارىندا جال­عاسىپ جاتىر. بۇل جولى دەپ وتىر­عانىمىز, وركەستردىڭ مۇن­داي كەشتەرى بۇعان دەيىن دە ءسان-سالتاناتى جالعاسقان ەلدە ۇيىمداستىرىلعان. 2017 جىلى پاۆلودارلىق ۇجىم ريم, مي­لان, سالەرنو جانە اپپەنين تۇبەگىندەگى وزگە دە قالالاردا ءساتتى ونەر كورسەتىپ قايتقان.

– حالىقارالىق ساپارىمىز ۇلكەن جوبانىڭ ءبىرى بولىپ وتىر. جەرورتا تەڭىزى جا­عالاۋىندا ورىن تەپكەن جەتى قالانى ارالاپ, كونتسەرت قويۋ تۋرالى ۇسىنىستى وتكەن ماۋسىمدا يتالياداعى مادەنيەت پەن مۋزىكا سالاسىن دامىتۋشى ۇيىمنىڭ پرەزيدەنتى, پروفەسسور لەوناردو كۆادريني جاساعان ەدى. كاسىبي تۇرعىدان بۇل ءبىزدىڭ مۋزىكانتتار ءۇشىن اسا پايدالى. بۇل جەردە سيمفونيانىڭ رۋحى ەرەكشە سەزىلەدى. جەرگىلىكتى جانە البانيا ەلىنىڭ مۋزىكانتتارىمەن ءبىر وركەستر قۇرامىندا ونەر كورسەتۋدەمىز. جەرگىلىكتى كورەرمەن اراسىندا جاستاردىڭ ءجيى بوي كورسەتەتىنى قۋانتتى. يتاليالىقتار وزدەرىنىڭ جانە نەمىس كلاسسيكالىق مۋزى­كاسىن ايرىقشا ۇناتادى. ءبىز­دىڭ وركەستر ي.شتراۋس, ي.برامس, ج.بيزە, ك.سەن-سانس, روس­سيني, دج.ءمارتۋچيدىڭ تۋىندىلارىمەن قوسا, ە.راحما­ديەۆتىڭ «دايرابايىن» ءار كون­تسەرتتە ورىنداپ ءجۇر. شىعار­ماشىلىق تۋ­رىمىزدى ۇيىمداس­تىرۋعا مۇم­كىندىك تۋدىرعان پاۆلودار وب­لىسىنىڭ اكىمى اسايىن باي­­حانوۆقا ريزاشى­لىعىمىز شەكسىز, – دەيدى يسا باي­زا­قوۆ اتىنداعى وڭىرلىك فيلار­مو­نيانىڭ باسشىسى, ما­دەنيەت ۇزدىگى امانگەلدى قو­جانوۆ.

فيلارمونيا باسشىسى جەر­ورتا تەڭىزى جاعالاۋىنداعى شا­ھارلاردا اۋا رايى جىلى, كۇندىز 17 گرادۋسقا دەيىن كوتە­رىلەتىنىن ايتادى. «تەڭىز­دەن سوق­قان سامال ەرەكشە. وكى­نىشكە قاراي, ساپار كەس­تەسىنىڭ تىعىزدىعىنا بايلانىستى قالالاردى ارالاپ كو­رۋگە مۇمكىندىگىمىز جوق. يتا­ليا­لىقتار وتە قىزۋقاندى, شۋ­لى, داۋىستاپ سويلەيتىن حا­­لىق ەكەن. ونەرىمىزدى ىقى­لاس­­پەن قابىلداپ جاتقاندارى باي­قالادى. كەيدە كۇنىنە 2 كونتسەرت بەرۋگە تۋرا كەلەدى», دەپ اتاپ ءوتتى ول.

سيمفونيالىق وركەستردىڭ كور­كەمدىك جەتەكشىسى ءارى دي­ري­جەرى, قازاقستاننىڭ ەڭبەك سى­ڭىرگەن قاي­راتكەرى بولات را­حىم­­جانوۆتىڭ سوزىنشە, جوس­پارلانعان 12 كون­­­تسەرتتىڭ 8-ءى بۇ­گىندە ۇيىم­داس­تىرىلعان. قال­عانى 7 قاڭ­تارعا دەيىن جالعاسادى.

پاۆلودار وبلىسى