مەملەكەت باسشىسى قاسىم-جومارت توقاەۆتىڭ جىل باسىندا «ەgemen Qazaqstan» گازەتىنە بەرگەن سۇحباتىندا بارشا قوعامنىڭ كوكەيىندە جۇرگەن نەبىر تۇيتكىلدى ماسەلەنىڭ ءتۇيىنى تارقاتىلدى.
پرەزيدەنت 2023 جىلدىڭ ەلىمىز ءۇشىن ماڭىزدى وقيعالارعا تولى بولعانىن اتاي وتىرىپ, نەگىزگى ساياسي رەفورمالاردىڭ اياقتالىپ قالعاندىعىن, ونىڭ ىشىندە, اسىرەسە كونستيتۋتسيالىق سوتتىڭ جۇمىسىن باستاعانىن, سول سياقتى ءماجىلىس پەن بارلىق دەڭگەيدەگى ءماسليحات دەپۋتاتتارىنىڭ جاڭا ەرەجە بويىنشا سايلانعاندىعىن, سونداي-اق العاش رەت اۋدان جانە وبلىستىق ماڭىزى بار قالا اكىمدەرىنىڭ جانە اۋىل مەن اۋداندىق ماڭىزى بار قالا اكىمدەرىن سايلاۋدىڭ جالعاسقاندىعىن تىلگە تيەك ەتتى.
ق.توقاەۆ مەملەكەتىمىزدىڭ ءادىل جانە باسەكەلى ەكونوميكا جۇيەسىن قۇرۋ, ەكونوميكانى ءارتاراپتاندىرۋ جانە مونوپوليادان ارىلۋ, ينفراقۇرىلىمدى جاڭعىرتۋ, بيزنەستى قولداۋ, ينۆەستيتسيا تارتۋ جۇمىستارىمەن مىقتاپ اينالىسا باستاعانىن, سونىمەن قاتار الەۋمەتتىك سالادا قوردالانىپ قالعان ماسەلەلەردىڭ بىرتىندەپ شەشىلە باستاعانىن العا تارتتى. بۇل ايتىلعانداردىڭ دالەلى رەتىندە ەلىمىزدىڭ تۇكپىر-تۇكپىرىندە ءبىلىم وشاقتارى, ونىڭ ىشىندە, «جايلى مەكتەپتەر» بوي كوتەرۋدە ەكەنىن, سونداي-اق اۋىلداردا دەنساۋلىق ساقتاۋ نىساندارىنىڭ دا سالىنىپ جاتقاندىعىن جانە الەۋمەتتىك تۇرعىدان وسال توپتاعى ازاماتتارعا كەشەندى تۇردە قولداۋ كورسەتۋگە باعىتتالعان الەۋمەتتىك كودەكستىڭ قابىلدانعاندىعىن اتاپ ءوتتى.
مەملەكەت باسشىسى ۇلتتىق مۇددەنى ەسكەرە وتىرىپ, سىندارلى ءارى ساليقالى سىرتقى ساياساتىمىزدىڭ جالعاساتىنىنا ەكپىن بەرىپ, 2024 جىلى ەلىمىزدىڭ بىرنەشە بەدەلدى حالىقارالىق ۇيىمعا, اتاپ ايتقاندا, شانحاي ىنتىماقتاستىق ۇيىمىنا, ۇجىمدىق قاۋىپسىزدىك تۋرالى شارت ۇيىمىنا, ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە, تۇركى مەملەكەتتەرى ۇيىمىنا, ارالدى قۇتقارۋ حالىقارالىق قورىنا, ازىق-ت ۇلىك قاۋىپسىزدىگى جونىندەگى يسلام ۇيىمىنا توراعالىق ەتەتىنىن ءمالىم ەتتى.
پرەزيدەنت قاسىرەتتى قاڭتار وقيعاسىن بىلايشا سيپاتتايدى: «مەن بۇل تۋرالى كوپ ويلاندىم, ءالى دە ءجيى ويلانامىن. مەنىڭشە, قاسىرەتتى قاڭتار وقيعاسىنا جىلدار بويى قوردالانعان الەۋمەتتىك-ەكونو-ميكالىق پروبلەمالار, جالپى توقىراۋدىڭ بيلىك پەن قوعامدى ازدىرىپ-توزدىرۋى سەبەپ بولدى. قاسكويلەردىڭ مەملەكەتتىك توڭكەرىس جاساماق بولعان جوسپارىن جۇزەگە اسىرۋ ءۇشىن ەكسترەميستەر, قىلمىستىق توپتار جانە اسىرە دىنشىلدەر بىرگە قيمىلدادى. ولاردىڭ ماقساتى ەل ىشىنە ۇرەي تۋعىزۋ, مەملەكەتتىك ينستيتۋتتاردىڭ قىزمەتىن تۇرالاتۋ, كونستيتۋتسيالىق قۇرىلىمنىڭ ىرگەسىن شايقاۋ, اقىر سوڭىندا بيلىكتى باسىپ الۋ ەدى».
مەملەكەت باسشىسى جانە ءبىر شىندىقتى, ءوزىنىڭ 2019 جىلى پرەزيدەنت لاۋازىمىنا سايلانعاننان كەيىن ەلىمىزدەگى كۇردەلى بيلىك جۇيەسىنىڭ قالىپتاسقاندىعىن بۇكپەسىز اشىپ ايتتى: «بازبىرەۋلەر قوسارلانعان بيلىك جۇيەسىن ورناتۋعا تالپىنعانى, ءتىپتى مۇنداي ارەكەتتەردى ادەيى ءارى مۇقيات ۇيىمداستىرعانى راس. «بيلىك ءترانزيتى» كەزىندەگى احۋالدى ساياساتتاعى ايلاكەرلەر ءوز مۇددەسىنە پايدالانىپ, قوسامجارلانعان بيلىك ورتالىعىن قۇرۋعا تىرىستى... قالاي دەسەك تە, مەملەكەتتە ۇلكەن جانە كىشى پرەزيدەنت دەگەن بولماۋى كەرەك دەپ سانايمىن», دەدى.
جالپى, بۇل سۇحباتتا كوتەرىلگەن ماسەلەلەردىڭ ءبارى دە ەلىمىزدىڭ تۇراقتى دامۋى ءۇشىن وتە ماڭىزدى.
ءادىل احمەت,
توتەنشە جانە وكىلەتتى ەلشى, پروفەسسور