كۇنى كەشە عانا پرەزيدەنت ستيپەندياسىنىڭ يەگەرى اتانىپ, جاڭا جىل قارساڭىندا ءبىر مارقايىپ قالدىم. جالپى, بۇل ماراپاتتىڭ ءبارى ونەردى قولداۋ دەپ بىلەمىن. ونەردە ەڭبەكتەنىپ جۇرگەن بارشا ازاماتتارعا قولداۋ كورسەتىلىپ جاتقانى قازاقى ءداستۇردىڭ تاماشا ءبىر كورىنىسى. مەملەكەت باسشىسى قاسىم-جومارت توقاەۆتىڭ تۋرا جاڭا جىل قارساڭىندا ونەر ادامدارىنىڭ مەرەيىن اسىرىپ وتىرعانى شىعارماشىلىققا دەگەن ەرەك كوزقاراسىن كورسەتەدى. جاڭا جىلدا مادەنيەت سالاسىنداعى بارلىق ماقسات پەن جوسپار ورىندالسىن دەپ تىلەيمىز. قازاق ونەرى ارقاشان اسقاقتاي بەرسىن. كەلگەن جىل ۇلتتىڭ رۋحانياتى مەن مادەنيەتىنە وراسان جەتىستىكتەر الىپ كەلسىن. ەلىمىزدىڭ بولاشاعى داڭعىل, ەكونوميكاسى مىعىم, ونەرى وزىق بولسىن.
بايتۇرسىن ومىربەكوۆ,
سۋرەتشى,
قازاقستاننىڭ ەڭبەك سىڭىرگەن قايراتكەرى