جاڭا جىلدا ەلىمىز جاقسىلىقتان-جاقسىلىققا جەتە بەرسىن. پرەزيدەنتىمىزدىڭ كوپۆەكتورلى ساياساتى ارقىلى ءبىراز ەل-جەرمەن قاۋىشىپ ءجۇرمىز. مۇنىڭ ءبارى, ارينە, جاقسىلىقتىڭ نىشانى. ونەر-ءبىلىمنىڭ, ادەت-عۇرىپ, سالت-سانانىڭ جاندانۋىنا كوپتەگەن جۇمىس اتقارىلىپ جاتىر. ەل قامىن ويلاپ جۇرگەن ازاماتتاردىڭ دەنى ساۋ بولسىن, جولدارى اشىق بولسىن. ءوسىپ كەلە جاتقان بالدىرعاندار رۋحتى بولىپ, دامي بەرسىن. مەن ۇستاز بولعاندىقتان ءاربىر وقۋشىنىڭ زەيىنى اشىلىپ, جاڭا بيىككە ۇزدىكسىز قۇلاش ۇرعانىن كورگىم كەلەدى. ءبىر جىلدارى وقۋشىلارىممەن بىرىگىپ امەريكاعا, يتالياعا باردىق. سوندا بوستون دەگەن قالادا ءبىر ۋنيۆەرسيتەتتە بولدىق. دۇنيە جۇزىندەگى مىقتى ەكى-ءۇش ۋنيۆەرسيتەت بولسا, سونىڭ ءبىرى ەكەن. مىنە, سونداي دامىعان جەردىڭ ىشكى ءبىلىم جۇيەسىن كورىپ تاڭداي قاقتىق. ءبىز دە سونداي الىپ وقۋ ورىندارىنان ۇيرەنىپ, ۇرپاق ساناسىن جاڭعىرتا الساق, ەلىمىزگە ەڭبەگىمىزدى سىڭىرسەك دەگەن تىلەك كوكەيىمدە ءار كەز تۇرادى.
پرەزيدەنتتىك ستيپەنديا الىپ جاتىرمىن. ەڭبەگىمدى وسىلاي ەلەپ, قولداۋ كورسەتىپ جاتقان ازاماتتارعا راحمەت. بويىمدا كۇشىم باردا وتانىمنان بار جاقسىلىعىمدى ايامايمىن. جاستارعا, شاكىرتتەرىمە بيىك پاراسات تىلەيمىن. ۇلت رۋحى بيىك بولعاي!
ايتجان توقتاعان,
كۇيشى, پروفەسسور